Maru Rajkot Rangilu Rajkot

ગઈઢી ઘોડી ને લાલ લગામ.

2010-07-23T12:17:00.000-07:00

રાજા રણમલ ની કેવી ભાયબંધી હશે ઓલા રાજુ સંધી હાઈરે, ગામ નું નામ જ આખું આપી દીધું રાજકોટ અને એય પાછી રાજધાની નું નામ. આમતો અત્યારે પટેલ, લોહાણા, વાણીયા, ભૂદેવ, ભરવાડ, વાઘરી ની વસ્તી મા સંધી ગોતવા જાવા પડે એટલા રઈ ગયા હશે પણ ૪૦૦ વરસેય રાજકોટ રાજુ સંધી નું જ કેવાય. બોલો આટલા બધા વરસ થઇ ગયા. પણ માણસો ય ગાંડા થયા છે, ૪૦૦ વરહ ની ઉજવણી મા. બાપ મરે એની વાહે દડો કરવાના તૂટતા હોઈ એવા મ્યુનીસીપાલીટી વાળા તો પાછા એમાં કેવા ઘાંઘા થયા છે, જે બાર મહિને એકવાર ધોવાતી નથી એવી બધી સરકારી બિલ્ડીંગુ ને લીલી પીળી લાઈટુ થી ભરી મુઈકી. સરઘસ કાઈઢા. કૈક નવા વાના કઈરા. ખેડું ના પૈસે તાગડ ધિન્ના કરતા માર્કેટીંગ યાર્ડ વાળા એ તો પાછી ૪૦૧ કિલો ની કેક હોતે ય કાપી નાઈખી, કોના બાપ ની દિવાળી. એક છટકેલે તો ટકા મા વાળ ની ભાત પાડી ને ૪૦૦ લખાઈવુ.

તમને થાહે કે આ શું વરગીગયો છે. બધા ને આડે હાથે લ્યે છે. એ કેવું પડે એમ છે. રાજકોટ ને જાણે વેંચવા મૂકી દીધું હોઈ એમ “કેમ છે વાડી બોલો ને દલા તરવાડી” ની જેમ મન ફાવે એમ માણસો ની કાળી મજૂરી થી કામેલા ટેક્ષ્ ના પૈસા આ ભાજપી કોર્પોરેટરો બગાડે છે એ જોઈ ને થાઈ છે મુશરફ ખોટો નથી. સ્કાયવોક ના નામે પૈસા ની ભંભલી ભરવા ગયા પણ સારું કઈરું જનતા એ જ ફોડી નાઈખી. આવું તો કેટલુંય ચવાઈ જાતું હઈશે. આની મોર ૧૫૦ ફૂટ રીંગ રોડ ઉપર ની કરોડો ની સરકારી જમીન મા વાંહે એક સડેલી મ્યુંનીસીપાલીટી ઓફીસ બંધાવી, આગળ ની કરોડો ની કીમતી જમીન મફત રાજકોટ ના જાણીતા બિલ્ડર ને દઇ કુંડલી મા ગોળ ભાંગી લીધોતો જ્યાં આજે બીગ બઝાર ઉભું છે.

એટલે સાવ એવું ય નથી કે રાજકોટ મા બધા કાગડા જ છે. છે ને અમારે વિક્રમભાઈ પંડ્યા, મોર જેવા, એને એવો હરખ ચઈડો કે ઉભે પગે વેબસાઈટ બનાવી ને www.rajkot400years.org ભૂકા કાઢી નાઈખા. કોણ કેદી કેમ આ ૪૦૦ વરહ ના ગઈઢા ગામ ના જનમદિન મા જોડાશે એની બધી માહિતી ઘરે ઘરે પૂછી પૂછી ને ભેગી કરી સાઈટ ઉપર મૂકી દીધી. દેસ પરદેસ થી સાડા તઈનસો માણાસો ના તો અભિનંદન આઇવા. આ સિવાય મેડીકલ કેમ્પ, રક્તદાન શીબીર,નાના ટાબરિયા રમે એવા મેળા, વોકાથોન, નિબંધ સ્પર્ધા, રાજકોટ ને ઓળખો સ્પર્ધા, અને એવું તો કેટલુંયે થયું. રાબેતા મુજબ સરકારી ખર્ચે રેસકોર્સ મા ફટાકડા ફૂઈટા (એમાં કોઈને ક્યાં કઈ કેવું પડે એમ છે). એટલે અમારે રાજકોટ વાળા વાત ને મુકે નહી. જે હાથ મા લ્યે એની ગઈંધ કાઢી નાખે.

હમણા હમણા તો જેને આવે તેને મેથીપાક બહુ ખવરાવે છે. કોક કૈક ખોટું કરતો પકડાઈ જાઈ, જેમકે ખોટો પત્રકાર બની ને રોફ મારતો હોઈ, કોક છોકરી ની છેડતી કરતો હોઈ, પોલીસ ની રાહ જોવામાં હવે રાજકોટ વાળા બહુ માનતા જ નથી. એવો ધીબેડે એવો ધીબેડે બિચારા ને ધોળે દિવસે તારા દેખાડે. બેક દી પેલા એકાદ મંદિર ના ભુવા ને હડફેટે લઇ લીધો.

આજકાલ આ જમીનું ની તેજી મા કેટલાય જે ફાટેલ ખિસ્સે રખડતાતા એને હાથ મા માલ આવતા બિચારાઓ ક્યાંક મન મોળું કરી ને બેઠા હોઈ એવા કેટલાય ધોકે ધોકે ધીબાઈ ગયા. જુનું ક્યાંક મન મળેલું હોઈ પણ તેદી ફક્કડ ગિરધારી હોઈ, અને અત્યારે માલ હાથ મા માંડ આઈવો હોઈ ત્યારે ઓલી પાછી બીજે ક્યાંક ઠેબા ખાતી હોઈ તો જરાક મન મોકલું કરવા આવા બિચારા એના કોક દોસ્તાર ના ખાલી ફ્લેટ મા ઘરે તો પડોસી ની ટી.વી. ની સીરીઅલું થી કંટાળેલી બાયું બહારથી ફ્લેટ ના આંગળીયા બંધ કરી ગામ આખા ને ભેગું કરી પછી છોકરી અને છોકરા બેય ને ધોકાવે. પોતાના ઘરવાળા હારે સેટિંગ બગડી ગયું હોઈ એનો ખાર બીજા ઉપર થોડો કઢાય છે. પણ આ તો રાજકોટ છે. આયા ગમે ઈ થાઈ.

બાકી અત્યારે તો વરસાદ ની હેલ પડે છે. લાગે છે ૩ ૪ ઈંચ તો બેક કલાક મા નાખી દેશે.

આઈવ મારા વાલા આઇવ..

તિખારો : મોત ને બાઝો તો તાવ આવે. નો ખબર પડે તો પૂછજો.

આવરે વરસાદ ઢેબરીયો વરસાદ ઉની ઉની રોટલી ને કારેલા નું શાક

2010-06-25T08:46:00.001-07:00

કાચી કેરી માની ગોટલીયું બફાઈ જાઈ એવી ગરમી ગયા પછી પેલી ધાર ના આ ભીના ભીના છાટણા થી આવતી આ ભીનીભીની ધરતી ની સોડમ સુંઘ્યા પછી તો તમારા Estee Lauder ના પરફ્યુમ પણ ગંધાતા હોઈ એવું લાગે. પણ આ વખતે તો એટલી કેરી ખાધી કે ખાઈ ખાઈ ને પેટ દોણા જેવા કરી દીધા. કેરી પણ એમ આવી આ વખતે. અને મીઠી પણ એવી! અડધી કેરી ખાધે ડાયાબીટીસ ૨૦૦ વધી જાઈ એવી ગળી. તોય ગમે ઈમ હોઈ આ વખતે કેરી આઈવી એટલી ને માણસો એ ખાધી એ એટલી, તોય પેલા વરસાદે કેરી જે પાંચ સાત રુપયે કિલો મળવા માંડે ઈ હજુ પાંચસો રુપયે વીસ કિલો આવે છે. ઈ કચ્છની પાછલા વેતરની સૌથી મીઠી અને ખરેખર અંદરથી ઘાટા કેસરી કલર ની મળે ઈ.

આવી કેરીયું ખાઈ ખાઈ ને ગરમી એ બહુ નીકળી તી, એટલે આ પેલવેતરો વરસાદ મજો મજો પડાવી ગયો. ગઈકાલે શેરી મા ઝીણાઝીણા ટેણીયાઓ ને જોઈ નાનપણ યાદ આવી ગયું. તૂટેલી ડોલ નો સળિયા ને પાણી નો બોર કરતા નીકળેલ નળાકાર પથ્થર ની બેય બાજુ ભરાવી રોલર રોલર રમતા. અને વરસાદ પડે એટલે જામોકામી થઇ જાઈ. નાનો લોખંડ નો સળીયો લઇ ને ખુચામણી દાવ રમતા રમતા એક બે નહી પાંચ પંદર શેરી યું કે ખેતર બે ખેતર વયા જાઈ તો ય ખબર નો પડે. અને જેની માથે દાવ આવે એની તો આવી જ બને. બિચારો લંગડી ભરી ભરી ને લાંબો થઇ જાઈ. મફત ની રમતો ની ઈ તો મજા હતી. આવી મજા તો ફૂટ બે ફૂટ ઘરી જાઈ એવા સોફા મા બેઠા બેઠા બસો તઈણસો ડોલર નું Wii રમતા રમતા ય નો આવે.

વરસાદ આવે એટલે જાણે હોથલ પદમણી ફિલમ આવી હોઈ એમ આખું ગામ જોવા ઉભું રહી જાઈ. “ આવ મારો વાલો આવ” એમ એકવાર તો ગઈઢયા ના મોઢામાંથી નીકળી જ જાઈ.અને એ માય વરસતા વરસાદ મા નાવા ની મજા તો વાત જવા દ્યો. રાજકોટ મા તો જાણે હવે ફેશન નીકળી છે. જુવાન છોકરા છોકરી ટુંકી ટુંકી ચડિયું પેરીને નીકળી પડે. પાછા એક બે નહી. પાંચ પંદર આવા બાપ કમાઈ ના બાબુડિયા સ્કૂટર લઇ ને હો હા દેકારા કરતા હાલી મરે. એક બાજુ પાણી ની નદીયું રોડ પર હાઈલી જાતી હોઈ, અને બીજી બાજુ આ નવરી બજાર હોન્ડા કે સ્કુટી ઉપર પોપો પીપી કરતા, રસ્તાની કોરે, દુકાનુંના ઓટે વરસાદ ને પોરો ખાવાની રાહ જોતા ઉભેલા ને પલાળતા જાઈ. મારા હારા નાના ટેણીયા શેરીયું મા છ્બછ્બયા કરતા હોઈ એનેય ઠેબે ચડાવતા જાઈ.

પણ જે હોઈ ઈ વરસાદ આવે એટલે અમારે ગોરધન ની ચકલી ફૂલેકે ચડે. ગોરધન ઈ અમારે કૈલાશ ફરસાણ ને ભજિયા ની દુકાન વાળો. ગમે એવી ઓળખાણ આપો તો ય સાંભરે જ નઈ. એવો બીઝી થઇ જાઈ. પણ જાણે કેમ બાપ મારી ગયો હોઈ ને વરસાદ પછી કોઈ દીઆવવાનો નો હોઈ, એમાં માણાહ પણ એની દુકાને બટાઝટી બોલાવે. ઉભા ઉભા મેથીના, મરચાના, લસણીયા, પતરી , અડધા કાચા પાકા ફળફળતા ગરમા ગરમ ગોટા ભજીયા ઉલારતા જાઈ ને મોઢા માંથી સીસકારા બોલાવતા જાઈ. વરસાદ બે મીનીટ ખમેંયા કરે ત્યાં તો લાવ લાવ નીકરી પડે. જેનો દુકાને વારો નો આવે ઈ ઘરે જઈને વેન કરે એટલે ઘરવારી બિચારી તરત તાવડો મૂકી, ભાજી કાપી નાખે તોય ઉટીયે બેઠો છાના વીણતો નો હોઈ એમ લાંબો થઇ થઇ ને રસોડા મા ડોકિયા કઈરે રાખે. પણ વારો આવી જાઈ.

હારો વરસાદ આવતા પેલા ની જે ગરમી નીકળી છે આ વખતે જાણે મુંબઈ મા નો રેતા હોઈ, નાહી ને બારા નીકળી કે પરસેવે રેબઝેબ. પાછી ડોલ ભરવી પડે. એ.સી. કે કુલર નો હોઈ ઈતો સિંદુરિયા ની ખાણ મા સીધો ધુમ્કો મારવા ભાગે એવો ઉકળાટ, સખ નો પડે ક્યાય. પણ બિલ્લુ કલર ના ખટુમરા રાવણા જાંબુ ને પીળી પીળી ઝીણીઝીણી ગળ્યા સાકાર ના કટકા જેવી રાયણું ખાવાની ભારે મજા પડી ગઈ. હા પાછો કહી દવ, અઢીસો રાવણા જાંબુ તો ગમે એ ખાઈ જાઈ, એમાં માલ થોડો ને ઠળીયો મોટો, પણ અઢીસો રાયણું ખાઈ જાવ તો ભાયડા કેવા. ભેસું ની જેમ બેક કલાક ઓગાળી શકે એવા જડબા જોઈ. અને એમાંય પાછું ખાધા પછી હોઠે જે રાયણ નો ગુંદર ચોટે, કેમેય કરીને ઉખડે નહી. ઝાઝા પાણીયે ધોયે આરો આવે.

હમણા તો રાજકોટીયાવ ની વાહે ઈનકમ ટેક્ષ્ વાળા શું પાડી ગયા છે. સુતા માણાહ ને સઈખે સુવાણ દેતા નથી. ગમે ન્યા બેલ દબાવીને રેડ પાડવા ઉભા રઈ જાઈ દરવાજે. પોચું ભાળી ગયા છે, બીહાર મા રેડ પાડવા જતા હોઈ તો. તઈણ ગયા હોઈ તો છ થઈને પાછા આવે. આતો આપણી પરજા ડાહી એટલે પરસાદ ધરાવી દ્યે એમકે એનેય બાલ બચ્ચા હોઈ ને. પણ આતો જમ ઘર ભાળી ગયા છે. જો રાજકોટ વાળા જાત ઉપર આવી ગયા ને તો તઈણ ના તેર કરીને આજી ડેમ મા પધરાવી દઈશે. હમણા બેક દી પેલા એક બાપુ ને ન્યા રેડ પાડવા ગયા તો બાપુ એ પોચી પોચી બેક મૂકી ય દીધી. ખોટી જગ્યાએ બારણા ખખડાવે તો ખાવીયે પડે.

અટલે એવું હાઈલે રાખે છે, હાલો ત્યારે અમે ઉભા ગળે વરસાદ ની રાહ જોઈ ને બેઠા બેઠા પાછળ વેતરી કચ્છ ની મીઠી કેરીયું , ગરમા ગરમ બે પાવરા ઘી નાખીને કુચો વાળેલા પીઝા જેવા ઘવ ના રોટલા સાથે ઉલાળીયે છીએ ત્યારે તમ તમારે સમરીયા વેકેશન મા પંખી જનાવર વીનાના જંગલૂ મા કેમ્પીંગ, બાયું અડધી ઉઘાડી સુતીયું હોઈ એવા દરિયા કિનારે બીચ બાથિંગ કઈરે રાખો,

તિખારો : કહેવત: ખાધા ભેગી ચીકણી થવી...

હે મારી હાટુ પાટણ થી પટોળા મોંઘા લાવજો...

2010-05-06T03:15:00.000-07:00

તમને હયશે કે આ મારો ગોતીડો ક્યાં ખોવાઈ ગયો. તઈણ તઈણ મહિના થી એક લીટી નથી લઈખી. શું કરું રોટલા ના તો કાઢવા ને. આમાં લઈખે કાઈ પેટ નો ભરાય તોયે નવરો આજે થયો છું તો લાવ કીધું લખું ઝરિક. નવા મા તો હમણા તો પાટણ સુરેન્દ્રનગર બનાસકાંઠા બાજુ આંટા મારું છું. જમીનું ગોતવા. મારે વાત કરવી છે પાટણ ની. કઈ જાઈતનો પંથક છે ખબર નો પડે. એક બાજુ ભૂંડેહાલ ભૂખડ કચ્છ, ઉપર નપાણીયું બનાસકાંઠા, પચ્છમમાં માલામાલ કડવા પાટીદારો નું મહેસાણા અને દક્ષિણે સુરેન્દ્રનગર નો બાપુ ડાઈરો. રસ્તા જાણે કુંવારી બાયું ના વાહા જેવા સીધા સપાટ નવા નકોર. વીસ પચીસ વરસ પેલા ઘરે પાણી ની ડંકી ગારવા સાઈડો મૂકતા ત્યારે એમાંથી નળાકાર પાણા નીકરતા. એને તૂટેલી ડોલ નો સળીયો બે બાજુ લગાવી દોરી બાંધી ધમધમાટ ફેરવતા. એવા રોલ ફેરવવા ની મજા પડી જાઈ એવા લીસા રોડ. પરજા પાછી કેવી? માથે સડેલું પનીયું ને નીચે સડેલી ધોતી. દસ પંદર થીગડા વાળો બુશકોટ. અને બાયું ને નાનું ટુંકુ પોલકું ને ચણીયો. માથે નાની ચુંદડી નાખો એટલે બહુ થઇ ગયું. જબરા માણાહ. ઠાકોર, ચૌધરી પટેલ, દરબાર, મુસ્લિમ, હરિજન આવી બધી વસ્તી. બધાય આમતો ખેડું. પણ આપણા કાઠીયાવાડ ખેડું જેવી મે’નતું કરે એવા નહી. ખાવા ના ખૂટે પણ સાંજ પડે બેક કોથરી પીધા વિના નો હાલે. કોણ જાણે કેમ, મારી હારી જમીન જ જાણે કઈ ભાઈત ની છે. ૬ ફૂટ નીચે ખારો. એટલે જે કઈ વાવો એને ઓછું પિત કરવાનું અને થોડુંક અમથું ઉગે એટલે ઉપાડી લેવાનું. બહુ નીચે મૂળિયાં જાઈ જ નહી. કાલા કપાસ ને જીરૂ ઉગે. આખા પંથક મા ક્યાય ૪ ફૂટ થી ઊંચું જાડવું નો જડે. બધેય જ્યાં જોવો ન્યા બાવળ બાવળ. સાઈકલ ની ટ્યુબ નહી રીંગ માંથી સોસરવો નીકળે એવા કાંટા. ઝાઝી ખમ્મા શંકરસિંહ વાઘેલા બાપુ ની. બાપુ એના ટૂંકા ખજુરિયા (કેશુભાઈ ની પાકી સરકાર માંથી અડધા ઉપરના ધારાસભ્યો ને ખજુરાહો ઉપાડી ગયા ને નવી સરકાર બનાવી તી) રાજ મા ચુંટણી જીતવા રાધનપુર આઇવા તા અને આખા પાટણ જીલ્લા ને લીલો છ્મ કરી દેવા ના અભરખે જ્યાં જ્યાં જગા દેખાણી ન્યા બાવળિયા વાવી દીધા. આ ઈનો પરતાપ.

આયા ના માણાહ બહુ ગરીબ. પણ કરેય શું? તડકા પડે ભૂકા કાઢી નાખે એવા. વેલે ચોટેલી ટેટીયું બફાઈ જાઈ એવી ગરમી. જેમ અમેરિકા મા નવી ગાડીયું ના એ.સી. ચેક કરવા કેમ ડેથ વેલી, નેવાડા મા લઇ જાઈ છે એમ આપણા દેશ મા આયા લાવવા જેવી છે. ગમે એવા એ.સી. ભાંભરડા નાખી જાઈ હો કે. અધૂરા મા પૂરું એમાં આવે ઉડણ. નરી આંખે સુરજ જોયો કોઈ દી? આયા જોવામા વાંધો નઈ. પાવડર જેવી ઝીણી રેતી એટલી ઉંચી ઉડે કે આખું આભ ઢાંકી દ્યે. રાઇતે ઘરમાં ઝીરો નો બલબ બરતો હોઈ એવું થઇ જાઈ ઘડીક વાર તો. આમાં માણાહ શું મરે?

ગામ ના નામે કેવા? લોલાડા, ચંદુર, કુંવર, જેસડા, સમી, હારીજ, ચાણસ્મા, કોરડા, પરસુંદ, ચડીયાણા, અને એવા કેટલાય ગામ. ગામ બધાય ટૂંકા. પાકિસ્તાન થી ભાગલા વખતે આવેલા ઘણા મુસલમાનો અને હિંદુઓ આયા સાંતલપુર પાસે વારી કરીને ગામ છે ન્યા રયે છે. પાટણ જીલ્લા મા મોટા ગામ કઈ તો પાટણ, સાંતલપુર, રાધનપુર, સમી અને હારિજ બહુ થઇ ગયું.. આવા ભૂખડ ગામ છે પણ જુનવાણી ઘણું છે આયા. મૂળ તો આ સિદ્ધરાજ જયસિંહ ની ગાદી ને એટલે જૈનો નું ગામ શંખેશ્વર પાર્શ્વનાથ નું જીનાલય મંદિર, સહસ્ત્રલિંગ તળાવ આવું કેટકેટલુંય જોવા જેવું ખરું. એક મદિર નું તો પાછું નામ છે હાઇકોર્ટ ઓફ કુણઘેર. મા મેલડી ના આ મંદિર ના સત્તર પાટિયા આવે પાટણ ને રસ્તે નીકળો અટલે..

ગમે ઈ હોઈ રોટલા ભેગા બાંધી ને નીકળવું પડે આ બાજુ, સારું ખાવાનું ક્યાય નો મળે આ આખા પંથક મા. હા દારૂ જોઈ એટલો મળે, માલ ની ગેરેંટી. રાજસ્થાન બોર્ડર થી બનાસકાંઠા અને ન્યા થી પાટણ થઇ આખા ગુજરાત મા માલ જાઈ.

લ્યો ત્યારે હવે આયા તો બારે બર્બરતી લૂ વાય છે ત્યારે બે તઈન તાલાળા ની સાંખ ની કેસર કેરીનો રસ ને રોટલા ઝાપટી ને એ.સી. મા બેઠા છી એટલે ભારે નીંદરૂ ચડી છે તો લાવ ઘડી બે ઘડી ટાઢા પોર ની ખેંચી લવ.. તમતમારે ઘર-ઘોલકા કઈરા કરો.....

કાઈઈઈઇપોઓઓઓ છેએએએએએ....

2010-01-15T01:44:00.000-08:00

રાઇડુ પાડી પાડી ને ગળા બેહી ગયા રૂપિયા ૬૦ ના કિલા ના ભાવ ની મણ શેરડી ખાઈ ગયા, ચાર , પાંચ કિલો ક જેટલી તો દાળિયા, સીંગ, સફેદ ને કાળા તલ ને કોપરા ની ચીકી ખાઈ ગયા, એક કાપી ત્યાં બીજી બે તઈણ આવે એવો જામેલો હતો.

ખીયર એટલે ખીયર. જમાનો બદલી ગયો છે. અમે નાના હતા ત્યારે તો સવાર ના પાંચ વાઈગા માં મેડીએ ચડી જતા. આજે તો સાવ બદલાઈ ગયું છે. વેલા વેલા ઉઠી ને આવી કડકડતી ટાઈઢ માં શું કાઢી લેવા નું? હેય તારે નવેક વાઈગે તો કૈક ટવરક્ ટવરક્ ચાલુ થયું. કયે છે છેલા બે તઈણ વરહ ને રાહે આ વખતે પવન બહુ સારો હતો સવારથી જ. બારેક વાઈગા ત્યારે કૈક બરોબર જાઈમું, સાંજ સુધી મા તો આંગળિયું માં ચેકા પાડી નાઈખા. મારી છોડીયું એ તો આટલી પતંગુ એની જીન્દગી માં પેલી વાર જોઈ . સવાર ની નવ વાઈગા ની મેડીએ ગઈ ઈ ગઈ. સાંજે સાડા પાંચે અંધારૂ થયું ત્યારે નીચે ઉતરયુ. એને તો જામો પડી ગયો. ને એમાં ય જયારે નવી પતંગ કપાઈ ને મેડી પર ડોકાય એટલે ઠેકડા ઠેકડી, ચીસાચીસી અને બઘડાટી. ગમે એ હોઈ આ વખતે વાઘરી ના છોકરા ય ઓછા જોવા મઈલા ઝાખરા ના ઝંડા લઈને. શેરીયુ માં પતંગુ કપાઈ ને એમ ને એમ પડી રયે કોઈ લેવા વારુ નો હોઈ. અમારા જમાના માં તો હાથો હાથ આવી જાતા એક પતંગ લૂટવા હાટુ. છેલે તો પતંગ ને બુસ્કોટ બેય ફાટી જાઈ પણ બીજો આપણી શેરી માંથી પતંગ લઇ ને જાવો નો જોઈ.

ગમે ઈ હોઈ, પણ મારું હારું એક વાત નો સમજાણી, અમે નાના હતા તેદી આઠ આના ની એક પતંગ મળતી. ૫ રૂપિયા ની વાર જમીન કોય સુંઘતું ય નહી એના ૫૦૦૦ થઇ ગયા પણ છતાય પતંગ નો બાંધો (૫) આજેય ફક્ત ૧૫ રૂપિયા માં. ભારે સસ્તું. ફીરકી થોડીક મોંઘી થઇ છે હવે ૧૦૦ થી ૫૦૦ રૂપિયા સુધી આવે છે. એ તો આવખતે ખબર પડી સસ્તો ને જાજો માલ લેવો હોઈ તો ખીયર ને દિ વેલી સવાર મા સદર બજાર માં પોચી જાવ તો મફત ના ભાવે બધું મળે ૨૦ ની ફીરકી ને રૂપિયા ૫ નો બાંધો. બોલો આટલું સસ્તું. હા તમારો ટાઈમ બગડે કાના બાંધવામા પણ એક ના તઈણ નો કરે ઈ રાજકોટ વાળા નહી. આ વખતે મોદી સરકાર ને પણ ડહાપણ સુઈજુ કે શું, ચાઈનીઝ દોરી ગેરકાયદેસર જાહેર કરી દીધી. કયે છે દોરી એવી કડક આવે કે ઉડતા નાના મોટા પંખી તો શું, તમારૂ ય ડોકું વધેરાઈ જાઈ જો ઘા માં આવી જાવ તો. છતાં પણ દેસી ૩ દોરા, ૬ દોરા, ૯ દોરા અને ૧૨ દોરા બરોબર પાયેલ હોઈ તો ખેંચી કે ઢીલ દઈને ય કાપવાની ભારે મજા પડે. પેલા તો કોક ની કાપો એટલે માણસો થારી વાટકા ને ઢોલ વગાડતા હવે થોડોક ફેરફાર થયો છે, ટેપુ ને એમ્પ્લીફાયર ઘરી ગયા છે. એના મરી ગયેલા બાપ ને સ્વર્ગ માં ય સંભળાય એટલા તો પાછા જોર જોરથી વગાડે. કોઈનું કાને પઈડુ સાંભરવા નો દ્યે. તોય જુના જાણકારો નું એવું કેવું છે કે આ વરસે બહુ ઓછા માણાહ મેડીએ ચઈડા. ગામ બહાર ફાર્મ હાઉસ ઉપર માણાહ બહુ વયું ગયું. આમેય રાજકોટ ની આવી મોઘવારી માં લીધેલ ૬૦ ૭૦ વાર ના મકાન ની મેડી એ કેવડી હોઈ?. અને માથે ચડે તોય એમાં સમાય કેટલા? અટલે કદાચ ઓછા દેખાતા હશે.

પણ જે હોઈ એ રાજકોટ નો એકેય ચોક એવો નહિ હોઈ જ્યાં ગોશાળા વાળા ફાળા ઉઘરાવવા નહિ બેઠા હોઈ. અમારા કોટેચા ચોક માં તો ૨૫ ૩૦ જેટલા ગોશાળા વારા ઓએ તો બે માણાહ બેહી શકે એવા મંડપ નાખી દીધા હતા આગલા દિ થી જ. મકર સંક્રાંતિ એટલે દાન પૂન નો દિ એટલે ગો શાળા વાળા તો હોય જ ને. ભક્તિ નગર માં એક લાખાભાઈ પટેલ છે એતો દર વરસે આ દિ માટે ટેક લ્યે , સવાર થી બેહી જાઈ ઘર ની બારે ગોશાળા માટે ફાળો ઉઘરાવવા, આ વરસે ટેક લીધેલી કે જ્યાં સુધી ૩ લાખ રૂપિયાં રાજકોટ ગોશાળા માટે ભેગા નો થઇ ત્યાં સુધી ઉપવાસ ને પાણી નું ટીપુંય મોઢા માં નહી મુકે. આટલા વરસ થયા પણ રાજકોટ ની માણસાઈ કેવી, સાંજે એને ઘરે જમવા ભેગા કરીજ દ્યે, જેટલા ની ટેક લ્યે એટલા રૂપિયા ભેગા થઇ જ જાઈ.માણાહ ક્યાય ક્યાય્ય થી દેવા આવે.

તિખારો : ખીચડો એટલે ખીચડી નો મોટો ભાઈ. બધાય ધાન (ઘઉં, બાજરો, જાર, ચોખા,...) ભેગા કરી ને બા એ ઘરે ખાંડેલો , એને બાફી ને તેલ ની સાથે ખીયર ની સાજે બધા સાથે બેસી ને ખવાય અને જે તમારે ન્યા અમેરિકન્યા ટીન પેકિંગ મા ય નો મળે ઈ.

રા.મ્યુ.કો., ગુ.પા.પુ અને ગ.વ્ય.બોર્ડ, પ્.ગુ.વી.ની.લી.,ધકો બેંક,રા.લો.સંઘ, ને કણકોટ ૧૨૪ માં ૨.૧૫ નો ભાવ

2010-01-12T00:08:00.000-08:00

મણ રૂ ની આજની બજાર ૭૦૦ રૂપિયા શું અડી છે અમારે રાજકોટ ના પટેલિયા ના છોકરા ફાટી ને ધુમાડે ગયા છે. બસ વરગી જ ગયા છે. રાજકોટ ગામ ની વસ્તી આમતો કોર્પોરેસન ના ચોપડે ૧૩ ૧૪ લાખ છે પણ આ નવા નવા ઊંચા ઉંચા બિલ્ડીંગુ ને મોલુ ને ભાળી ને રાજકોટ માં કાયમી રેવા આવે એવા નવા માણસોની નવી આવક ને ધ્યાન માં રાખો તો ૨૦ થી ઓછી તો નય જ હોઈ હવે. એટલે વસ્તી માટે તો રાજકોટ નો પાંચ કીલોમીટર નો વિસ્તાર પણ વધારે કેવાય પણ રાજકોટ શું ભાઈગુ છે. ગામ ના ગોંદરે માણાહ ને મોજમજા માટે બંગલા કરવા છે. અમેરિકાના વિકેન્ડ હાઉસ જેવા. અને આ ગાંડપણે રાજકોટ થી જામનગર ની સીમ માં ઘારી જાવ ન્યા ખેતી ના એકર ના ભાવ ૪૦ લાખ કરી દીધા છે. ૧૨૫૦ ની વાર થઇ, જે જગ્યા રાજકોટ થી ૨૦ કિલોમીટર થાઈ. બેક મહિના પેલા મેં લઇખુતું રાજકોટ માં હવે ૨૫ ૩૦ લાખ ના ઘર માંડ મળે છે આજે તો ૨૫-૩૦ લાખ માં ઘર નું ભૂલી જાવ ફ્લેટે ય માંડ માંડ મળે એવું છે આના કરતા તો અમેરિકામાં તમારે ન્યા આવી જાવું સસ્તું લાગે છે. માર્કેટ જે ભાઈગી છે વાત જ નો પૂછો. ગમે એને પૂછો બસ વાં લીધુ ને વાં દેવાનું છે. બીજી વાત જ નહિ, અને એમાંય હવે આ વરાહ ખેત પેદાઈશ ના ભાવ એવા સારા મઈલા છે એટલે આ ઉનાળે ૧૭ થી ૨૭ ની રેન્જ ના ઘર માં જેટલા કુંવારા હશે એ બધાય ની જાન એકીહારે ખેડું જોડી દેવાના છે. અને જેને છોકરા પઈણી ઉઈતરા છે ઈ બધાય આ જમીનું ની લે વેંચ માં પડી જાહે. એમાં કોઈ શું કરે , બેક દિ પાન ની દુકાને તમેય ઉભા રયો તો તમેય અમેરિકા બેઠા બેઠા સેવિંગ ના પૈસા નો હિસાબ મારવા માંડો કે એકાદું કટકું લીધું હોઈ તો વાંધો નહિ. જેમ તમારે અમેરિકા માં રહેણાંક મકાન ની માર્કેટ ઉભી પૂછડીએ ભાઈગી તી એમ ગમે એને ગલગલીયા થઇ જાઈ એવી વાતું આયા રોજ સંભાળવા મળે છે . અડધા થી વધારે રાજકોટ ના પટેલિયા ઓ પાસે રાજકોટ થી જામનગર સુધી ની કઈ જમીન ને કયો રોડ ને કયો સર્વે નંબર એ સાથે ની જમીનો ની પ્રિન્ટ હશે. ગમે એ હોઈ ભલે ને શરદ પવાર ૫ -૧૦ રૂપિયા ખાંડ રોજ મોંઘી કરતો હોઈ , સાંજ પડે ૧૦૦૦ વાર જમીન માં ૧૦૦ રૂપિયા ખાલી વાતું એ કરીને ચડી જાઈ એને કઈ મોંઘવારી નડે.

પણ જે છે ઈ આવે છે મજા રોજ ના છાપા વાંચવાની.. એ.પીપાર્ક ૧૫૦ રોડ ૨૫x૫૫ ૧૫૦ ભાવ ૪૦ ૯૬૩૮૫૩૦૦૧૬. (૨) ૧૪ -યુની રોડ, 3bhk,૧૧૦૦ફટ,૭૫વાર્,૪૫lac,9865624324,ત્રીવેદીભાઈ, (૩) દુકાન ૧૪x૩૪ રૈયાચોકડી, ૧૩લાખ ૯૩૪૩૪૨૩૪૫૩ કાનાભાઈ .. આ છે અકિલા ની ટચુકડી જાહેરાતું. આખા ૮ પાના જાહેરાતું ભરીને આવે છે આજકાલ. આવી જાહેરાતું એ રાજકોટ ની સ્ટાઈલ છે. જેમકે રા મ્યુ કો. એટલે રાજકોટ મ્યુનીસીપલ કોર્પોરેસન, ગુ.પા.પુ અને ગ.વ્ય.બોર્ડ એટલે ગુજરાત પાણી પુરવઠા અને ગટર વ્યવસ્થા બોર્ડ, પ્.ગુ.વી.ની.લી એટલે પશ્ચિમ ગુજરાત વીજ નિગમ લીમીટેડ, ,ધકો બેંક એટલે ધી કો ઓપરેટીવ બેંક ઓફ રાજકોટ અને છેલ્લે રા.લો.સંઘ એટલે રાજકોટ લોધિકા સંઘ જેનું તેલ (peanut oil)આખું ઇન્ડિયા પીવે છે ઈ.

લ્યો ત્યારે તમે તમારા માલ (stock, real estate) માં જે ડોલરિયા ઓછા થાઈ છે એ જોતા જોતા લમણે હાથ દઈને નિસાસા નાખો, અમે તો આયા રોજે રોજ જમીનું ના ચડતા ભાવ જોઈને ધુબાકા મારવા મંડી...

તિખારો : Tiger Woods to Bill Clinton : કાનો કરે ઈ લીલા ને હૂ કરું ઈ છિનાળવું?

દરેક પોસ્ટ ની નીચે એક Click to Leave Comments હોઈ છે. કોક દિ એમાં કૈક લખાય, તમારા ડોહા નું કાઈ ઘસાઈ નહિ જાઈ, મને ખબર તો પડે કે મારે શું ઢઈડવું...

રાજકોટ > સાઉથ ડાકોટા ... થાય ઈ કરી લ્યો..

2010-01-08T03:45:00.001-08:00

ભાઈરે મોંઘુ થઇ ગયું છે રાજકોટ અમારે. આજના દિવ્ય ભાસ્કર માં આંકડા આઇવા છે કે રાજકોટ માં middle class ને ૧૫૦૦૦ રૂપિયા માં પૂરું થાય નહિ. ખાવા ના તો ૫૦૦૦ મહીને માંડ જોઈ, પણ મોબાઈલ, સ્કુટર ના પેટ્રોલ, છોકરાવ ની સ્કુલ ની ફી, વીજળી ના બીલ, પાણી ના બીલ, વાર તહેવારે ફિલ્મું જોવા કે બહાર ખાવા પીવાના ઈ બધું ૧૦ હઝાર માં પતે નહિ. એમાંય એકાદો ઘરમાં કપાતર પાઈકો હોઈ તો બે પાચ હઝાર ની મહીને બીજી અડાડે. અધૂરામાં પૂરું જો ઘરમાં થી એકાદા ને હોસ્પિટલ માં દાખલ કરવો પડે તો ૨૫ ૩૦ હઝાર માં ખિસ્સું હળવું તો થઇ જ જાય. બાકી લગન ના ચાંદલા, હાથ ઘરણું, ને રીસેપ્શન ના કવર, ને બાયું ની ફેસન ના લટકા ને ગણો તો વરહ ૫-૬ લાખ થી નીચે નો પડે. પાછું આમાં કામવારી ના પગાર તો આવતા જ નથી એટલે કેવાનું એ કે અમેરિકાની ગરીબી રેખા 16000 ડોલર (૭ લાખ રૂપિયા જેવું થાય) છે એની નીચે તમે હો તો અમેરિકા મા તો શું રાજકોટ માં ય કાઈ કાંદો કાઢી નો લ્યો.

જેમ તમારું અમેરિકા બાઈ પ્રધાન દેશ છે એમ અમારું રાજકોટ ભાઈ પ્રધાન કેવાય. બાયું ને મહીનેકટકે કટકે કરીને ૫ ૧૫ હઝાર રૂપૈડી દઈ દ્યે એટલે બાયું મઈથે રાખે આખો મહિનો. તમારી જેમ એક સામટા પૈસા નો ધરી દયે કે લે હની આ તારા પોકેટ મની અને આ આખા મહિના નો ખર્ચો. અમારે રાજકોટ માં એવા પોકેટ મની ની સિસ્ટીમ જ નથી. સવાર માં થોડુક ટઈડ ટઈડ બાયું કરે એટલે બપોરે એકાદો બે હઝાર દઈ દેવાના એટલે ફર્સ્ટ ક્લાસ રીંગણા નો ઓળો ને જાર બાજરી ના રોટલા સાંજે તમારા માટે રેડી હોઈ. અને જો કોકદી સાંજે વેન કરે કે " જોવો બાજુમાં રમીલાભાભી કેવી સરસ સાડી લીધી છે મારી પાસે તો એકેય નવી નથી હમણા શ્રુતિ ની સગાઇ માં હું શું પેરુ તમે તો કોઈ દિ કેશો નહિ?" , તેડી ડાહયુ ડમરૂ થઇ ને શિવ આઈસક્રીમ માં એક કપ સીતાફળ ખવરાવી દેવો એટલે બેકદી શાંતિ.

પણ તોય અમારા રાજકોટ ની બાયું સારી છે, જરાક તાણી ની કયો તો તઈણ ટાઇમ રોટલા તો બરોબર ઘડી દ્યે છે હો કે. તમારી જેમ નહિ કે " honey i am soooooo tired today, can you make a pasta and soup for me pleeeeeease.." અને તમે ધોયેલ કોથમરી ની જેમ ઘબ કરીને રસોડા માં ઘરી જાવ. પાછું એવુંય નથી ક્યારેક ધંધે ઘરાક હાઇરે કંઈક માથાકૂટ કરીને ઘરે આઇવા હોઈ ને બાયું કંઈક બડબડ કરે તો પછી પોચી પોચી બેક મૂકી પણ દઈ તોયે થોડુક ઠુંહું ઠુંહું રોઈ ને પછી બધોય ખાર રોટલા ના લોટ પર ઉતારી ને ગરમા ગરમ કુણા કુણા રોટલા ઘડવા તો બેહીજ જાય એમાં વાંધો આવે નહિ. નહિ કે તમારી બાયું ની જેમ સીધી 911 લગાવે ને બે ત્રણ દી સુધી સઈખે સુવાય નો દયે.

અમારી રાજકોટ ની બાયું ભારે પાકી થઈ ગયું છે, ધણી પૈસા નો દયે તો કાઈ નહિ ભૂલે ચુકે જો સવારે ધોવામાં કપડા નાઇખા હોઈ એના ખિસ્સા માં રૂપિયા રઈ ગયા હોઈ તો તઈણ દી પછી ક્યે કે કંઈક નીકળું તું. બધાય ગુપ્ચાવ કરી જાય. ને જો બહાર ખાવાના અભરખા જાગે તો તમારા પોટલક પાર્ટી નું રાજકોટી version શેરીવાળું તો બાયું હાલતા કરી નાખે. સાંજે ઘરે પોગો ત્યારે ખબર પડે કે બધી આડોશી પાડોશી બાયું ભેગીયું થઇ ને શેરી માં પાથરણા નાખી ને ભાતભાત ના ને જાતજાત ના ભોજનીયા ની જયાફતો ઉડાવત્યું હોઈ. આને કેમ પોગો.

બાકી નવીન મા તો આ રાજકારણ છે.આતો ઉપર દિલ્લી માં ભાજપ ની ગવર્મેન્ટ વઈ ગઈ બાકી અમારે ઠેઠ દિલ્લી થી રાજકોટ સુધી કુવારા ની લાઈન હોત. કારણ કે ત્યારે દિલ્લી માં રાષ્ટ્રપતિ હતા અબ્દુલ કલામ સાહેબ એકલા, વાજપેયી દાદા હતા પ્રાઈમ મીનીસ્ટર એ ય એકલા , નરેન્દ્રભાઈ મોદી છે ચીફ મીનીસ્ટર ગુજરાત ના એ ય છે એકલા અને અત્યારે રાજકોટ માં છે મેયર સંધ્યાબેન વ્યાસ એ ય એકલ પંડે ઘર સંસાર ચલાવે છે. બોલો સાંભળ્યું છે ક્યાય એવું. હારું ગમે એ હોઈ ઘણાય વેલા ચેતી જાય કે આ કરવા જેવું નથી.

લ્યો તયે હવે આપણે બોળ્યું છે તો મુન્ડાવું તો પડશે જ ને.
તમ તમારે લાગી જાવ ઘરવારી ની સેવા મા ને હું ઉપડું ૩ ગાંડા ની ફિલમ ની ટીકશું લેવા ....

કંકુ, દુધી અને પભલીની 31st december

2010-01-01T00:10:00.000-08:00

તમારે નયા અમેરિકા માં ભલે મંદી ના મોજા હિલોળા લેતા હોય આયા અમારે રાજકોટ માં 31 મી ડીસેમ્બરે ૪૦ ની કમર પર ટૂંકું સ્કર્ટ ને માથે કટ બાય નો બુસકોટ પેરી ને ભલે ને તઈણ તઈણ છોકરા ની માં હોઈ પણ શું બાયું નાંઈચી છે? સવાર ના છાપા માં ફોટો જોઈ ગરમા ગરમ ચા એ ય ટાઢી પડી ગઈ. છાપા ક્યે છે છેલ્લા દસકા માં રાજકોટે બહુ પ્રગતિ કઈરી છે. 1999 માં રાજકોટ માં ૪૦૦૦ મોબાઈલ ને ૨૦૦ internet ના connection હતા એ હવે 4.75 લાખ મોબાઇલ ને 17000 internet connection સુધી પોગી ગયા છે. છોકરાઓ એ ભણે ય ભારે કાઠું કાઈઢું છે, જીલ્લા ની 127 કોલેજું માં થી 329 થઇ ગઈ. પેલાતો ખાવા પીવા હતી બે કોલેજું , PDM(માલવિયા સેઠ ની ) ને DH(દિગ્વિજયસિંહજી ) કોલેજ જે માં આર્ટસ ને કોમર્સ ભણાવે, બહુ થઇ ગયું અને હવે તો નવું ભણતરેય પાછું કેવું આઈવું છે એન્જીનીઅરીંગ, મેડીકલ, એરોનોટીક્સ, હોટેલ મેનેજમેન્ટ અને ફીજીઓથેરાપી. પાછું ચા કરતા કીટલી ગરમ, કોલેજ વધી તો વધી પણ હોસ્ટેલુંય તો શેરીએ ને ગલીએ થઇ ગઈ છે. ૧૮ હતી 1999 માં અને હવે ૪૯૦ થઇ ગઈ છે ,કાલાવડ રોંડ પેર રેતા હોય એને તો એવું લાગે કે જાણે એય હોસ્ટેલ માં રયે છે એટલી હોસ્ટેલું.

નવીન તો એ છે કે પેલા બાયું સાતમ આઠમ નો મેલો ભરાય ત્યારે લખમણ ,કાનો ને જે શી કિશન ને જઈ ખોડીઆર એવા ત્રાજવા તોફાવતી ઈ આખી જિંદગી રેતા ,અત્યારે તો રાજકોટ માં બ્યુટી પાર્લર નો રાફડો ફાઈટો છે ૩૦૦ તો કાયદેસર corporation ના ચોપડે છે .બાકીના કેટલા ઈ એતો હાલીયો ભાઈ જાણે .રાજકોટ માં ઘણા જુના માલપાની માંણાહ રયે અને એની પાહે ૩લાખ સુધી ની ગાડી ફેરવતા અત્યારે બાપ કમાઈ ના બાબુડિયા એવા હાલી મઈરા છે કે ૮૦ લાખ સુધીની ગાડી યુ રાજકોટ મા એ ફરે છે .બાકી તો બીજું શું કવ રાજકોટ માં પેલા એક સારી હોટલ નોતી ,ગામમાં બસ સ્ટેશન પાસે લોજુ માં માણસો પૈડા રેતા ,પણ છેલ્લા દસકા માં જે હોટલું થઇ છે રાજકોટમાં Imperial palace, seasons-grand bhagavati(TGB), grand regency, pradhyuman lords, એકાદો દી રહી તો જોવો તો ખબર પડે , અમેરિકાની hiltonu ને holiday innu ફીફા ખાંડે એની પાસે .કોક રાજકોટ ની આવી હોટેલ માં રહી ગયો હોઈ એને પુછજો .ક્યે છે કે રાજકોટમાં ૧૨ cinema બંધ થયા ને ૪ multiplex નવા આઇવા ને 5 -5 FM રેડીઓ ચેનલ ચાલુ થઈ સે ,ખબર નહિ આકાશવાણી ને કોઈ સાંભળતુય હોઈ હવે .પાછું એમાં ઠાલે ઠાલું એવુંય નથી ,રાજકોટની કોર્પોરેશને સારા એવા worldbank ના ઉછીતા પાછીતા કરીને પણ પોતાના બધાય બિલ્ડીંગ જેવા કે બધાય ward મા નવી ઓફીસ, કોર્ટ બિલ્ડીંગ ,કમિશ્નર કચેરી ,રાજકોટ જંકસન, PGVCL ઓફીસ, ભક્તિનગર રેલવે જંકસન, ને કલેકટર કચેરી કુવારી છોકરી ના ગાલ જેવા નવા નાકોર કરી નાઈખા છે .

અધુરામાંપુરા સારા માનો માલ ખાઈ ખાઈને ખુટીયા થયેલા કોર્પોરટેરો એ ચર્બી ઉતારવા ,ઇનડોર સ્ટેડીઅમ ,જીમ્નેસીયમ ,તઈણ સ્વીમ્મીંગ પૂલ ,સાત નવા ટેનીસ કોર્ટ ,છ બેડમીનટન કોર્ટ અને કેટલીયુંય સ્કેટીંગ ની રીન્ગું કરી નાઈખા છે .આ ઉપરાંત તાજી હવા ખાવા ઈશ્વર્યા પાર્ક ને પ્રદ્યુમન પાર્ક ને બહુ બધા બગીચા ઓ પણ બહુ સરસ બનાઈવા છે .બાકી તો બીજું શું કેવું રાજકોટ ના ગમે એને પૂછો બધાય એકાદો વાર તો mercedes માં બેઠોજ હોઈ ,ટાઢા પોર ની નથી હલાવતો ,આખા ઇન્ડિયા માં ક્યાય હોય એવા સગડ નથી પણ રાજકોટ માં ટ્રાવેલ વાળા રાજકોટ અમદાવાદ વચ્ચે જે બસ ચલાવે ઈ છે mercedes અને વોલ્વો કંપની ની .બોલો છે તમારે ત્યાં ? બાકી રાજકોટ ઉપર આવી ગયું છે ને?

અને છેલ્લે નો પાર્કિંગ માં જ વાહન પાર્ક કરવાની ,કે લેફ્ટ માંથી જ બીજા ના વાહન ને ઓવરટેઈક કરવાની, કે બપોરે ખાઈ ને સુઈ જવાની કે રાઈતે મોડે સુધી રેસકોર્સ બેહી ગપાટા ઝીંકવાની ,કે આઈસક્રીમ ખાવાની , કે સવારમાં ગરમા ગરમ ચા સાથે વણેલા ગાંઠિયા, લાલ મરચા ને કાચા પોપૈયાનો સંભારો પેટ માં પધરાવવાની , કે પછી જેને માટે સુપ્રિમ કોરાટેય કાઈ ઉખાડી સઈકી નથી એવી બાપીકા rights ધરાવતી પાન ની પિચકારી જાય ત્યાં મારવાની આદતો હજુ ય અકબધ છે જે રાજકોટ ની ખરી ઓળખાણ છે.

બાકી આયા નવા વરહ મા બધા ટેસડા કરે છે બધા ને જાજા કરી ને બે નમ્બર્યા happy new year (એક નમ્બર દિવાળીએ કઇરાતા ઈ) અને તમેય ઊંધું ઘાલી ને વરગી જાવ તો ઓબામાં ને white house મા સારી ઊંઘ આવે...

ઓરકુટી છોડી ને ફેસબૂક્યો જમાઈ

2009-12-24T02:46:00.000-08:00

કેવિન રૂડાભાઈ ઘેલાની, સાઈમંડ બચુભાઈ સોડવાડિયા, કેલ્વીન અરજણભાઈ મુંગરા, બોબ ઘોઘાભાઇ ડઢાનીયા, રોબર્ટ ચનાભાઈ આદ્રોજા, નામ સાંભળીને હેઠા નો પડી જતા. આયા અમારે ધોરાજી માં આવા કેટલાય પટેલાયાઓ એ અંગ્રેજ ને ખંજોર આવે એવા છોકરાઓ ના નામ રાખેલા છે. ગમે ઈ હોઈ બાકી આજના છોકરા મારા ગોતીડા ભારે ઠાવકા છે. બાપ ની સામે બેઠો બેઠો એની બેનપણી ને sms કરતો હોઈ અને એનો બે ચોપડી ભણેલ બાપો પાછો ગામ માં પોળો પોળો થાતો હોઈ કે અમારો કેવિન ને mobile પર ભારે ફાવટ ગમે એવું હોઈ એ સરખું કરી દ્યે. ઈ જ કેવિન કોક ની છોડી લઇ ભાગી જાય તેદી એજ ઉપર થી હેઠો પડતો કે કે ઓલા ચના ના છોકરા એ જ મારા કેવિન ને બગાઈડો. પણ મારે વાત કરવી તી ઓરકુટ ની માયા ની. ગમે ઈ કયો આ ઓરકુટે છોકરાઓ ની રૂદીયા ની વાતું હોઠે લાવતા કરીદીધા. પાછું કેવું લખે, અમારો ભત્રીજો કોલેજ માં બહાર ભણે છે એ નાઓરકુટ પેઈજ પરથી સીધું ઉઠાવું છું.

નાની અમસ્તી વાતમાં અપસૅટ થઈ ગઈ

હમણાં સુધી જે ધિસ હતી તે ધેટ થઈ ગઈ

keyur ને USA નો વીઝા મળી ગયો

ખાદીની એક ટોપી પછી હૅટ થઈ ગઈ

કૂતરો આ ફૂલફટાક તે ડૉગી બની ગયો

બિલ્લી બનીઠની ને હવે કૅટ થઈ ગઈ

ગુજરાતમાં હતી આ ગઝલ ગોળપાપડી

ઈંગ્લૅન્ડમાં આવી અને ચૉકલેટ થઈ ગઈ

હા, સ્વિટ નથિંગ્ઝ જેમ તું બોલી ગયો અદમ

ગુજલિસ કવિતા જાણે કે ચિટ્ચૅટ થઈ ગઈ

પાછા ક્યારેક ફિલોસોફી માંય પીએચડી છે એવું બતાવે

સી યુ અગેઇન કરતાં તમારું એ આવજો મધમીઠું લાગે

હાય હેલો ફ્રેંડશીપ બને દોસ્તી તો શમણું અણદીઠું જાગે

હમદર્દીલાં દિલડાંનો ધબકાર સંભળાયે આલિંગન વિના

ચોટદાર એનો એવો ઉન્માદ આઈ લવ યુ અણકીધું વાગે

પરભોમમાં ઓમનું છૂંદણું જોઇને જોમ આવે

હોમસીકને આમ મળવા જાણે માભોમ આવે

હતાશ હું બેભાન રહું છો હો ઇ. આર. સારવારે

જોઉં તરત “કેમ છો” શબ્દ પડઘા થઈ આવે

ક્ષુધાસભર આળોટું વિદેશી વાનગી વચાળે

ખાઉં ઓડકાર જો ખીચડી ખાટી છાશ આવે

ચકરાઉં બસ નૉર્ડસ્ટ્રોમ મેસીસ ઝાકજમાળે

ચીંથરાને ચૂમું જો મૅઈડ ઈન ઇંડિયા આવે

લૉટરી કૂપન યા જૉબ-લેટર ગાર્બેજ ભાળે

ફાટેલ દેશી ટપાલમાં અક્ષર મોતી થૈ આવે

કુમ્ભકર્ણ થઈને નસ્કોરું ક્રીસમસનીય સવારે

સફાળો જાગું “જાગો રે” પ્રભાતિયે સાદ આવે

ભટકે બેતાળાભરી નયના ઇંટરનેટના મેળે

મળે ગુજરાતી ફોંટ તો બેસવાનું ઠામ આવે

ડોલર નામે સાહ્યબી છો ના દોમદોમ આવે

દોલતમાં દિલને ભાગે જો કાણી પાઇ આવે

પાછા ક્યારેક રોમાંનટીક થઇ ને આવુંય લખી નાખે

ન હોઉં તારી સાથે તો ત્યારે મને યાદ કરજે,

ભૂલો તો ઘણી કરી છે, પણ મને માફ કરજે,

દોસ્તી ના દાખલા માંથી નારાજગી ને બાદ કરજે,

રાહ જોઇશ ORKUT માં તમારી ,

આવીને ત્યાં મારી ફરીયાદ કરજે,

જેવો છુ એવો ન હતો પહેલા ,

એ સમજાય ત્યારે મને સાદ કરજે,

દુનિયામાં કેટલીયે દોસ્તી તૂટે છે અને તૂટતી રહેવાની,

પણ મિત્રતા ની મિસાલમાં તો આપણી દોસ્તી નું જ નામ કરજે,

જ્યારે પણ એકાંત માં યાદ મારી આવે ,

બસ એક પ્યારીસી SMILE કરજે ..

અને હવે આમાં facebook ઘઈરૂ છે જાણે google ના બાપ નો ગરાહ નો લૂંટાઇ જાવાનો હોઈ. અને નવરા છોકરા છોકરી બસ આમાં જ પઈડા રયે છે. પેલા ના જમાના માં તો ચાર આઇખ ભેગી થાઈ તો જણ બેક દીસુધી બસ મલકાયે જ રાખે. આખા ગામ ને ખબર પડે કે આને કાઈક સલાડું થઇ ગયું છે. અત્યારના તો મારી વાલી આખો દી ઘરમાં આંટા જ મારતી હોઈ ને પાછા ભેગી બેહી ને સાઈજે બધા હારે ઝીન્ઝરા ખાય ને સવારે જોવો તો ઘરેણા લઇ ને છનનન થઇ ગઈ હોઈ.

હવે આ ઇન્ટરનેટયા જમાના માં જેને પઈણવું હોઈ એ પઈણે અને ભાગવું હોઈ એ ભાગે પણ અમારે રાજકોટ માં લાઈફ મસ્ત છે. તો જો તમને કોક પૂછે રાજકોટિયન કોને કેવાય તો કેવું કે Levis નુ જીન્સ ને Armani નુ સુટ સાથે BMW કાર હોઈ ,અનીલ અંબાણી ના ઘર ની બાજુમા બંગલો હોય,ને "ટીનાબેન" ને પણ આવી ને પૂછવું પડે કે "વાટકી ખાંડ મળશે".

લ્યો ત્યારે આયા તો માવઠા છે તોય મજોં જ મજો છે તમ તમારે પાવડા લઇ ને વરગી જાવ બરફ કાઢવા.

ક્રિકેટીયો વા અને હરખપદુડા ની જાન

2009-12-17T03:09:00.000-08:00

કોક નો ધણી મરે ને હૂ રાંડી રાંડ થાવ એવુ રાજકોટ નુ વાતાવરણ હતુ છેલ્લા બે દી થ્યા. જેનુ પૈણવા ટાણે ઘોડૂ હાલ્તુ ય નથી એવી ઇન્ડિયા ની ટીમ ના ગઈઢાઓ (આ છોકરાઓ ની મોઇ ડાડીંયા જેવી રમત કેવાય) રાજકોટ ના ક્રિકેટ ગ્રાઉન્ડ મા ૧૨-૧૨ વરહ ના ટેણિયા જ્યા છક્કા ઉપર છક્કા મારે એવા ટિચુકડા ગ્રાઉન્ડ પર ૪૧૮ રન મારી દીધા તો ઠેઠ અમેરિકા બેઠેલા કેટ્લાય હરખપદુડા ખાટ્લા માથી હેઠા પડી ગ્યા હશે. કેવુ પડે ભાઇ શૂ સેહવાગ રઈમો? તેન્ડુલકર એટ્લે તેન્ડુલકર! તંબુરો તારી માસી નો! રઈમો તો સાન્ગાકારા ૪૩ બોલ મા ૯૦ ઠોકી દીધા.બચારા તારન્ગા ને રાજકોટ નો આઈસ ક્રીમ ખવરાવી કઢી જેવા શેડા કાઢતો કરી દીધો અને તોય ભાઇડા ની વિકેટ પાડવા મા આપના ગઈઢાઓ ને ફીણ આવી ગ્યા.આતો બિચારા શ્રીલંકા વાળા ના નસીબ મા પાંદડુ એટ્લે તેન્ડુલકર થી ઓલા નવાણિયા મેથ્યુઝ નો કેચ થઈ ગ્યો બાકી બહુ આઘુ હતુ જ નહી ને જો એકાદો ફટ્કો લાગી ગ્યો હોત તો જોયા જેવી હોત બધાય ની. આજ રાજકોટ વાળા રાતી લાલ જેવી કરી દેત.

આતો દોઢ અબજ ની વસ્તી માથી જ કમાવાનુ છે એ બીસીસીઆઈ અને આઈસીસી ને ખબર છે એટ્લે જ્યારે વાર તહેવારે એકાદો ૫૦ ૧૦૦ રુન મારે એટ્લે આ ૨૦ ૨૦ વરહ જુના ગઈઢા ઓ નુ વાહ વાહ કરવા માંડે અને એમા પાછા એની જાતને જોડા મારુ એવા પત્રકારો ય વરગી પડે.

અમારુ કાઠયાવાડ તો ખાનદાનો ની ભુમી છે, જોગીદાસ ખુમાન ની ભુમી છે જે દુશ્મન નાય ઓવારણા લ્યે અને બીજા હારુ ખપી જાઇ પછી ભલે ને રમત નુ મેદાન હોઇ કે રન મેદાન.આમેય આપણી ટીમ બીજે દેશ રમવા જાઇ ત્યારે હારે જ છે, એકાદો વધુ, અમારી રાજકોટ ની આબરુ તો રહી જાત. હવે જે થયુ એ નવી ઘોડી નવો દા. આ ગઈઢાઓ સમજે તો હારુ.

બાકી તો આય રાજકોટ મા હવે આધેડ અને બૂઢિયાઓ જ રઈ ગ્યા છે. જુવાનીયા તાજે તાજા પૈણી ને હનીમૂન મા ભાગી ગ્યા છે. એટ્લે આ લગનગાળો પુરો થતાજ શાક્ભાજી સાવ મફત ના ભાવે મળવા માઇંડુ છે. કુદરત નુ શુ કેવુ, ઓલો અલ ગોર રાઇડુ પાડી પાડી ને હાહ ધમન થઈ ગ્યો પણ કોઇ એનુ માનતુ નથી પણ હજુ પુરો શિયાળો બેઠો નથી ત્યા આયા ગીર મા એક્દમ પીળી હળદર જેવી કેસર કેરી પાકી ગઈ છે ને માર્કેટ મા પણ વેંચાવા આવી ગઈ છે. ૩૦૦ ની કિલો છે. પાંચ છોકરા ની મા ભાગી ને બીજા લગન કરે એ કાઈક હવે સમજાય પણ આ વગર ઉનાળે ને ભર શિયાળે પાકી કેરી? કળયુગ બરોબર બેઠો છે હવે...

હવે જે હોઇ ઈ અમે તો ગરમા ગરમ મફલર ને વાંદરા ટોપિયુ પેરી ને રાઇતે તાપણે બેહવા માઈંડા છિયે.. તમ તમારે ય બે બે ગોદડા ની સોઇડ કરીને ઘોટાઇ જાવ.

દયા પ્રભુ ની ધરમ ની જય...

2009-12-08T20:48:00.000-08:00

સૌરાષ્ટ્ર ની ભુમિ સંત સુરા અને બહારવટિયા ની કેવાણી છે. એટ્લે જ આયા કેવાણુ છે કે .

જનની જણ તો જણજે કા દાતા કા સૂર,
નહિતો રહેજે વાંજણી મત ગુમાવીશ નૂર .

અને આજેય પણ કાઠિયાવાડ ના કોઇપણ ગામે જાવ તો ગામ ની બહાર પાળિયા હોઇ. ગામમા કોઇક શુરવીર થઈ ગ્યા ની ઈ ઓળખાણ હતી. આ શુરા એટ્લે ઘરવારી યે બટેટા કાપવા બેહાઈડા હોઇ ને આંગળી કપાઇ જાઇ ને દેવ થઈ ગ્યા હોઇ ઈ નહિ, આતો ગામ ની ગાયુ વાળવા કે ગામ ભાંગવા લૂટારા આઇવા હોઇ એની હારે લડતા લડતા ખપી ગ્યા હોઇ એની વાત છે.એના પાળિયાઓ ને સિન્દૂર ને ધુપેલિયા થાઇ.

મારે વાત કરવી હતી સંતો ની. કાઠિયાવાડ એ સંતો ની ભુમિ. આજે પણ ગામે ગામ કોઇ ને કોઇ સાધુ સંતો ના વિસામા હોઇ જ. સત્તાધાર આપા ગીગા ની જઈગા, વિરપુર જલારામબાપા ની જઈગા, પરબ વાવડી સંત દેવિદાસ અમર મા નુ તોરણીયા ધામ, પાળિયાદ બાપુ ની જઈગા, બગદાણા બજરંગદાસ બાપા, સ્વામિનારાયણ નુ ગઢડા, સારંગપુર, ભારતી આશ્રમ જુનાગઢ, કેટ કેટ્લી જઈગા. બધેય ઓટલો મળે અને ચોવિસ કલાક અન્નષેત્ર ચાલુ.

વાત મૂળ છે રાજકોટ ના ભક્તો ની, એના ભક્તિ ભાવ ની. ભારે શ્રધ્ધાળુ બાકી, કોઇનોય આભળછેટ નહિ.એવુ કેવાય કે બાવા બઈના હે તો રાજકોટ આવવા પડે.. બસો પાંચસો માથા મળી જ જાય. આ ગામ મા બધી જાત નો ફાલ મળે. સ્વાધ્યાય કે સ્વામિનારાયણ, કે,આર્ટ ઓફ લિવીંગ કે બ્રહમાકુમારી કે હરિ ઓમ તત્સત કે, પ્રણામિ, કે હવેલી વાળા વૈષ્નવ કે પછી ભલે ને મોરારી બાપુ ને રામદેવજી મહારાજ હોઇ રાજકોટ મા સંધાય ના શીષ્યો મળે. (unity in diversity) યુનીટી ઇન ડાઈવર્સીટી મા માનવા વાળા પાછા બધા એક શેરી મા રેતા હોઇ ને કોઇ ના પણ ગુરુ ગામમા આવે ત્યારે નોતરૂ હોઇ કે નો હોઇ ગુંદી ગાંઠિયા ખાવા ને બાપુ, બાપા કે સંત ના દર્શન ને આશિર્વચન સાંભળવા પોગી જ જાઇ. મારી કુળદેવી ખોડિયાર હોઇ કે તારી હોઇ આશાપુરા , ઉંઝા મા ઉમિયા મહોત્સવ હોઇ એટ્લે બધાય પાણકોરા ના બે જોડી કપડા લઈ થેલીયુ ભરી ને બસુ મા બેહી જાવાના. ગમે એટ્લા મેદાનો હોઇ એ ટુંકા પાડી દયે એટ્લુ માનાહ ભેગુ થાઈ. પાછુ એવુ નથી કે ધરમ કરમ ના કામે જ લોકો ભેગા થાઈ, સ્વામી સચ્ચિદાનંદ, કે સ્વામી ધર્મબન્ધુ કે ગુણવન્ત શાહ કે સારા પ્રવચનકાર ને ન્યાય તડાકો પડે. અને છેલ્લે ભીખુદાનભાઇ ગઢવી કે હેમન્ત ચોહાણ કે દિવાળીબેન ભીલ કે, કોઇપન ગઢવી નો લોક ડાયરો ગમે ન્યા હોઇ, કલાકાર ગમે ઇ હોઇ, બસ જાવુ એટ્લે જાવુ જ. હમજાય કે નહી રાજકોટ મા રેવુ હોઇ તો જાવુ તો પડે જ.વેવાર મા રેવુ હોઇ તો જાવુ પડે જ.

બાકી શિયાળો હવે માંડ બેહુ બેહુ થઈ રયો છે ત્યારે તાજે તાજા લીલા મજાના શાક ભાજી ને ફ્રુટ ની રેકડીયુ હડિયુ કાઢે છે. અને આ લગન ની સીઝન ની તો શુ વાત કરુ, આ ૨૦૧૨ ફિલમ આવી છે ત્યારથી બધાય કુંવારા ને હવે પૈણવા ચઈડો છે, ગમે એવી દેખાતી હોઇ છોડી, બસ બધાય ને માંડવે બેહી જ જાવુ છે, ક્યાક રહી નો જવાય ની બીકે.

તયે હાલો હવે આ ટાઈઢુ મા જિંઝરા ને શેઈડી ને અડદિયા ને તલ સાંકળી ને ચીક્કી ની મોજુ લૂટ્વા આવી જાવ રાજકોટ...

હેઅએ..આઇવા તાજા ટમેટા રિંગણા ભિંડા તુવેર ઘીસોડા લઈ લ્યો.....

2009-11-21T03:51:00.000-08:00

શિયાળા ની શરૂઆત : રાજકોટ ની શાક મારકેટ નુ આજ નુ ભાવ પત્રક.

જોઇ જોઇ ને જીવ બાળતા નહી મારા વ્હાલા..

.

આવી જાવ આ થેન્કસગીવીંગ્યા લોંગ વીકએન્ડ માં રાજકોટ , આયા છે મોજે દરિયા, નસીબ ના બળીયા, ભલે પછી બૂટ ને નો હોઇ તળીયા...

એયેયેયે બરીક નથીઈઈઇ... (Bicycle without Breaking Gear)

2009-11-14T22:24:00.000-08:00

"હેય્ય્ય્ય્ય્ય્ય, ફુર્ર્ર્ર્ર્ર, પોહે, પોહે, હેય્ય્ય્ય્ય્ય, કાનીયા વાઈર એ ચાંદરીને " આ છે અમારા લખમન ભરવાડ ની રાઈડ.

ભરવાડ, રબારી, હિદડા, માલધારી ઈ બધાય નોખા.ભગવાન ક્રુષ્ણ ના આ કેહવાતા વંશજો ની કુલદેવી હિંગળાજ માતા, બહુ માને એમા. ભરવાડ માં ય પાછી બે જાત , નાનાભાઇ ભરવાડ અને મોટાભાઇ ભરવાડ, નાનાભાઈ વાળા ૧૦૦% ચાંદી ના સળિયા ને વાળી ને બનાવેલૂ કડુ એવુ આદમી હાથે પેરે અને બાયુ પેરે પગે. મોટાભાઈ ભરવાડ મા ચાંદીના કડા ના સળિયા મા અંદર સ્ટીલ નો તાર નાખેલો હોઇ અને જેમા એક છેડે ડટ્ટિ જેવુ હોઇ. એટ્લો જ ફરક. ભરવાડ પેલા તો પોતાની અને ગામની ગાયુ જ ચરાવતા. પણ હવે જમાનો બદલાયો છે. ને ભેંશુ રાખી ને ડેરિયુ મા દુધ ભરે (selling milk to Local Dairy) ને કાં તો ઘરે ઘરે દુધ વેંચે,ને એમા ય પૂરુ નો થાઇ તો રેંક્ડા ખેંચી ને મજૂરી કરે, એમાથી ઘર હલાવે.

મે અગાઉ લઈખુ તુ એમ રાજકોટ ની ચા વખણાય એ આ ભરવાડ ની રેક્ડી ની ચા. દારુ પીધો ઉતરી જાઇ કે અફિણ લગાઇવુ હોઇ તોય ઝોલા આવે પણ અમારા કાના ની રેક્ડી ની કડક મીઠી અડધી પીધા પછી તો સુવાની ગોળિયુ લ્યો તોય નિંદર નો આવે. રાજકોટ મા ચા ની રેક્ડીયુ મા ભરવાડો ની જાને મોનોપોલી થઈ ગઈ છે.

આમતો ભરવાડ એટ્લે સાવ દેસી અબૂધ, કાઠીયાળી, કસાએલા બાવડાવાળી મજબૂત બાંધા ની પ્રમાણિક પ્રજા. હેઠે જાડા સુતરાઊ કાપડ ના ધોતિયા ને ડીલે હોઇ બટન વીનાની બંડી કે ખુલી કસ નુ કડિયુ, બધુય હંસલા જેવુ ધોળુ, ને માથે પેરે ઘાટી લાલ પનીયા ની વાળેલી પાઘડી.કાનમા ઉપર હોઇ નાની પોખાનીયુ ને ગળા મા બે તઈણ કાળી લાલ માળા ને પગમા ૫ કિલો નુ એક થાઇ એવા અણીદાર જોડા કમ મોજડીયુ.બધાય આધેડ ને વેઈત વેઈત મુછ હોઇ. કોટ ની બંડી ને ઉપલે છેડે હોઇ કાન ખોતરિયુ ને એકાદિ સેફટી પિન ને ખીચા મા હોઇ એકાદી તમ્બાકુ પીવાની હોકલી ને રૂમાલ. પછી હાથે બાંધી હોઇ મોટા ડાઈલ વાળિ એચએમટિ (HMT brand wrist watch). બાયુય પણ એની કાઠાળી , કાળી કામળી માથે ઓઢી હોઇ, લાલ ભરત ભરેલુ કમ્ખુ છાતિયે ને કાળુ જાડુ કાપડુ ઘાઘરા ની જેમ પેરે. કાન મા તો ઉપર થી નીચે પોખાનિયુ ને વેઢલા ને વાળિયુ ને કેટલ્યુ ય હોઇ અને પગે પાછુ ચાંદીનુ કડુ તો ખરુ જ. અધુરામા પૂરુ આખે શરીરે છુંદણા ત્રોફાવેલા હોઇ કીલો ના ભાવે.ખાલી જગા નો મળે.

ભરવાડ ના ખોરાક પણ કેવા બપોરે જાડા ટિપેલા ઘઊ ના તઈણ ચાર રોટલા ને છાસ ને મર્ચુ હોઇ ને સાંજે તો જાર બાજરા ના રોટલા ને દુધ, બસ. શાક્ભાજી કે ફ્રુટ નુ નામ જ નહી. ભરવાડ ને કાળા અક્ષર ભેંસ બરાબર, અમારે ઝવેરભાઇ ને પુછો તો ક્યે " અરેય ભણવાનુ, નિશાળે મુકો તો રખડવા જ ભાગી જાઇ, અમારે ઘોડાના ભણે જ નહિ, બે તઈણ ચોપડી તો બવ થઈ ગ્યુ."

ભલે લંડન ને અમેરિકા મા છોકરિયુ ૧૫ ૧૬ વરસે માબાપ ને પુઈછા વીના લગન કરતી, આય તો કાયદેસર પેટે ચાંદલા થાઇ. પેટે ચાંદલા એટ્લે જનમ્યા પહેલા લગન ગોઠવવા. બે ભરવાડ ભેરુ હોઇ ને બેય ની ઘરવારી ને સાથે સારા દિવસો જાતા હોઇ અને બેય સામે સામા પેટે ચાંદલા કરે તો એમા જો એક ને ન્યા છોકરો ને બીજા ને ત્યા છોકરી આવે તો કાઇ લીધા દીધા વગર નો સંબંધ પાકો. સોળ સત્તર વરસ ની દીકરી થાઇ તેદી લગન લઈ ને આવવાનુ ને દીકરી ને લઈ જાવાની. તમે પુછ્સો કે આમ કેમ,સાઈનટિસ્ટો ને ચક્કર આવી જાઇ એવી વાત છે પણ આ કોમ મા છોકરા ની લાઇનુ લાગે. છોકરી નો દુકાળ.અમારા ઝવેરભાઇ ને પાંચ દિકરા કાનો, લખમણ, ટિલયો, ચોથો અને પાંચો. એકેય છોડી નહી. આ ઝવેર ની વહુ ૩૦ વરહ પેલા ઉપેર વઈ ગઈ પણ એક્લે હાથે પાંચેય ને મોટા કરી ને કાના ને લખમણ ને તો પઈણાવિ પણ દિધા છે.આ ભરવાડ મા પેલા તો દીકરી વેંચાતી. "જો હિરા ૫૦ તોલા સોનુ ને ૨ કિલો ચાંદી થાઇ તેદી વાત કરવા આવજે, ન્યા સુધી કેતો ય નહી." આવો તો રુઆબ છોકરી નો બાપ કરે. હા ૫૦ તોલા સોનુ ને ૨ કિલો ચાંદી તો દેવી જ પડે તયે છોકરો પઈણવા ભેગો થાઇ. એટ્લે જાજી છોકરી નો બાપ તો ગાડિયુ મા ફરતો હોઇ. મોટે ભાગે તો સામે સામા લગન વધારે થાઇ, સામે સામા એટ્લે, હિરા ની છોકરી લવજી ની ઘરે ને લવજી ની છોકરી હિરા ની ઘરે. ભાઇ બેન ને જ સાળા-વહૂ બનાવે. તમે કહેસો કે આટ્લા રુપિયા ક્યાથી કાઢવા.લ્યો તયે નાત્ય કેનુ નામ? લગન ટાણુ થાઈ ત્યા સુધી દિકરો ને બાપ કાળી મજૂરી કરી કરી ને સોનુ જ લીધે રાખે ને પછી લગન ટાણે છોકરા નો બાપ, ઘટે તો સગા વ્હાલા પાસે થી ઊછીતા લ્યે. લગન મા બધા જમવા આવે એટ્લે હાથઘઈણુ કોક ૧૦૦ રુપિયા કોક ૫૦૦ કોક ૧૦૦૦ રુપિયા એવુ દયે( જેવો વેવાર), આવુ બધુ ભેગુ કરી ને પછી લગન કરે. પાછા જો કોઇક ગઈઢા મરી જાઇ એટ્લે આખી નાઇત ના બધા ઘર ૨ કિલો ખાંડ અને ૧૦૦ રુપિયા લઈ ને ખરખરો કરવા આવે. ડોહા નો દાડો કઈરા પછી પણ ૨ ગુણી ખાંડ ને ૨૦ ,૨૫,૦૦૦ રુપિયા વધે.

અમારે કાના ચા વાળા ના બાપા વેલા ઉપર વઈ ગ્યા છે એટ્લે બિચારો ૨૫ વરહ પોગી ગ્યો છે તોય ઘરવાળી વારો થયો નથ અને સોનુ ભેગુ કરવામા પઈડો છે, તમારે કોઇ ન્યાની ભુરી નુ માંગુ (engagement) નાખવુ હોઇ તો કેજો....

લંકાની લાડી ને ઘોઘા નો વર

2009-11-09T04:58:00.000-08:00

કોથમીર કી કલી, રંગ બહાર, રંગ સંગમ, કેસર લાડ્ડૂ, નામ સાંભળીને પડી નો જાતા, આ છે રાજકોટ ના લગન ની મજા. લગન ની સિઝન આવે છે એટ્લે બધા ધંધા વાળા સજાવી ધજાવી ને છાપા મા જાહેરાતુ કરવા મઈંડા છે. હેય તારે ભાત ભાત ના લુગડા વાળા, કેટરર્સ , મંડપ સરવીસ અને પાર્ટી પ્લોટ વાળા બધુ ઠીક્મ ઠાક કરવા મઈંડા છે. સિઝન આવે છે ને ભાઈ .આમતો આ વખતે સારા મુહુરત મા ૧૪ દી જ લગન છે ૧૫ મી ડીસેમ્બર પછી તો કમુર્તા બેહી જાશે, પણ તમારે થેન્ક્સ ગિવિન્ગ્યા અને ક્રિસમસયા વેકેશન વાળા એન આર આઈ ને કમુર્તા ય નથી નડ્તા. પૈણ્વા ચઈડો હોઇ એમ ઉભે ઘોડે આવી ને મુરત જોયા વીના લગન કરી જાઈ પછી બે મહિના મા થાઈ છુટાછેડા ત્યારે માથુ પકડી ને રોવા બેહે. પણ જે હોઇ ઈ આ વખતે છાપુ ક્યે છે ખાલી રાજકોટ જ બે તઈણ કરોડ ખર્ચસે લગન વાહે. પેલા તો ૨૦૦૦- ૫૦૦૦ રુપિયા મા લગન થાતા. હવે ૨૦-૨૫૦૦૦ રુપિયા મા લગન કરવા હોઇ તો શેરી મા માંડ્વા નાખવાના, ને ચમચી વીના ના વાઈટ્કા સાથે સ્ટીલ ની થાળીયુ મા ગાંઠિયા, લાડૂ, બટેટાનુ રસાવાળૂ શાક, સંભારો, દાળ અને ભાત જમાડી દેવાના તો જ પતે.

હા બાકી જો પટેલ્યા યે એકાદ કટ્કુ જમીન/ખેતર વેંચ્યુ હોઇ તો પછી લગન પાર્ટી પ્લોટ મા જ હોઇ. સાંભળી ને બઠા નો વરી જાતા, ૧૫,૦૦૦ થી ૫૦,૦૦૦ તો ખાલી પાર્ટી પ્લોટ નુ ભાડુ હોઇ, મંડપ વાળો પાછા ૨૦-૨૫૦૦૦ નુ બિલ કરે. કેટરરિંગ માટે તો જેવી શક્તિ એવી ભક્તિ. રુપિયા ૫૦ થી ૭૦૦ ની ડિશ રાજકોટ મા મળે.૧૦૦ રુપિયા પક્ડો તોય ૩૦૦ માણાહ ના રુપિયા ૩૦,૦૦૦ ખવડાવવાના થયા.

પણ પાર્ટી પ્લોટ ના લગન પણ કેવા? માણાહ આવે એટ્લે સ્વાગત કરવા જજમાન આખુ ઘર લઈને ઉભા હોઇ ને આવો આવો કરે ને પછી અંદર આવવા દે. અને અંદર પ્લોટ મા તો ડેકોરેશન પણ કેવુ, હેય તારે પાચ છ જગ્યાએ નોખા નોખા કાઊન્ટર કઈરા હોઇ, એમા એકાદ ઉપર બે તઈણ જાતના સુપ હોઇ અને હારે પનિર ફ્રાય કે ચાઈનિસ ફ્રાય દેતા હોઇ તો ક્યાક ગરમા ગરમ ભજિયા ને હાંડ્વો ને જલેબી ને સુખડી મલતી હોઇ. એકાદ કાઊન્ટર પર ડાયેટીયા ઓ માટે પાછુ સલાડ ને પાપડ ને અથાના ને રાઈતા જમાવેલા હોઇ. મેઈન કાઊન્ટર ઉપર જાને કે ભઠ્ઠી માથે બેહી ને ખાતા હોઇ એવા ગરમા ગરમ રોટ્લી, નાન, પુરી, બિસ્કુટ પરોઠા ઉતરતા હોઇ સાથે હોઇ બે તૈણ પંજાબી અને દેસી શાક . ને એક બાજુ પાછા ચાઈનિસ ભેળ, નૂડલ અને મન્ચુરિઅનવાલા બકડિયા ખખડાવતા ભડકા કરતા હોઇ. છાસ ને પાણી વાળા ય એક ખાંચા મા ટેબલ નાખીને બેઠા હોઇ. (આ રાજકોટ મેઈડ ફિલટર વોટર ના ભંભા હવે કોમન થઈ ગ્યા છે) જારવી રાખજો હજુ પુરુ નથી થ્યુ, રાજકોટ મા રેવુ ને આઈસ્ક્રિમ નો હોઇ બને નહી, એક કાઊન્ટર ઉપર પાછુ તાજો સિઝનનો સિતાફળ નો આઈસ્ક્રિમ હાલતો હોઇ. અને છેલ્લે ૧૦ ૧૫ જાતના મુખવાસ ના મોટા વાટકા ભરેલુ કાઊન્ટર હોઇ. કેટરર્સ વાલા ય સોફેસ્ટિકેટેડ થઈ ગ્યા છે. ભાડા ના કપડા પેરાવી ને અપટુડેટ કરેલા જુવાનિયા છોકરા છોકરીયુ જાને પ્રિન્સ ચાર્લસ ના લગન મા કેમ આઇવા હોઇ એમ ઉભા રહી સર્વિસ કરતા હોઇ. પફ્ફ પાવડર મારેલી છોકરી આવી ને "સર, ગીવ કેસર લાડૂ?" એમ ક્યે એટ્લે અમારા કાનજી ડોહા બાટ્લીગ્લાસ ના ચસ્મા માથી છોડી ને જોવે, ને છોકરો જે હાથ મા લાડૂ ની થાળી ભરી ને ઉભો હોઇ એને જોઇ ક્યે નાઇખ લે ત્યારે બે તઈન. બોલો આમા પેટ ફાટી જાઈ કે નહિ પણ માનાહ ઉપાડી ઉપાડી ને દાબે.

પેલા જમાના મા લાલ જાજમ ના પટ્ટા પાથરીને પલાઠીભેર બેસતા, ને પિરસણયાઓ તઈણ વાર પિરસવા આવ્તા અને પછી છેલે જજમાન આવતા આગ્રહ કરવા , જેવો મેમાન, એવુ જોર કરીને ખવરાવવાનુ. ખાવા વારા કરતા ખવરાવવા વાળા જોરુકા રાખવા પડ્તા કારણકે જે મેમાન ના મોઢા મા લાડવો મુકો એ મેમાન પણ સામે તમને અડધો લાડુ ખવરાવે, ટુક્ડે ટુક્ડે એકાદ ડોલ લાડુ ખાવા પડે. પણ તેદી માનાહ ખાધે લોઠ્કા હતા. હવે તો થઈ ગ્યા છે બુફે.ઉભા ઉભા ભરડ ભરડ ભઈડે રાખવાનુ. અમારી બા ને આ બુફે વિશે જમવાનુ પુછો તો ક્યે હારુ રખડી રખડી ને વાઘરી ની જેમ ખાવાનુ. શુ ખાવુ ને શુ નહિ. અડ્ધા ભુઇખા રહી આમા તો.

બાકી લગન કેવા થાઈ છે એ પછી ક્યારેક વાત...લ્યો ત્યારે હમણા મગ નો શિરો જાઈપટો છે એ પચાવી લવ . તમ તમારે વાસી પિઝા ને ચલુપા ના ઓડ્કાર ખાધે રાખો..

પુઠઠા થઈ ગ્યા ભાઇ (Stock Market Crashed)......

2009-11-02T04:46:00.000-08:00

માણાહ નુ જીવન પેન્સીલ અને રબ્બડ જેવુ છે. પેલા થોડુક ખોટુ કરે અને પછી રબ્બડ ની જેમ થોડુક સાંચુ કરી ને ભુંસી નાખે. પણ અત્યારે માણાહ એટ્લુ ખોટુ કરતો થઈ ગ્યો છે કે સરવાળે મરવા ટાણે રબ્બડ આખે આખુ ઘસી નાઇખુ હોઇ ને આખી ખીતા જેવી પેન્સીલ લઈને ઉભો હોઇ ભગવાન પાહે.

રાજકોટ મા માણાહ એવડા ગરિયા ફેરવતા થઈ ગ્યા છે વાત જાવા દ્યો. બે શેરી આઘો ઉભો હોઇ ને મોબાઈલ મારો તો ક્યે બસ મોરબી થી નીક્ળુ છુ. બોલો આમ જ ઠેકાડે. રાજકોટ વાળા આમતો એક ના તઈણ કરે પન ગામ પુરુ જુગારિયુ . મારા હારા જેટ્લા સાચા ધંધા વાળા રાજકોટ મા છે એથી તો વધારે સટોડિયા હાલી મઈરા છે. પેલા તેલ, કપાસ, મગફળિ મા જ સટ્ટો થાતો. એમાથી લોટરી ઉપર આઇવા. લોટરી એ તો કેટ્લાય ના ઘર ભાંગી નાઈખા, મારો હારો કડિયો ટિફિન લઈને ને ઘરે થી કામે જાવા નિક્ળે, પેલા પોગે જ્યુબિલી લોટરી બઝાર, ૯ વાઈગે બઝાર ખુલે એટ્લે દુડિ તિડિ જે લેવી હોઇ ઇ લ્યે અને પછી કામ ભેગો થાઈ અને સાંજે પાચ વાગે ડ્રો ખુલે ત્યારે લોટરી બઝારે પોગી ગ્યો હોઇ. કેટ્લુ માણાહ ફના ફાતિયા થઈ ગ્યુ. લિટરુ મોઢે દવા પી ને કેટ્લાય મરી ગ્યા. માંડ માંડ લોટરી ગઈ ત્યા શેર બઝાર વાળા આઇવા. લોટરી મા તો મજૂર માણાહ હતા , શેર બઝાર મા તો હારા હારા માસ્તર અને ભણેલા ગણેલા લાગી પઈડા, જટ છાપી લેવાતા બધાય ને, એમાય કેટ્લાય ખાલી થઈ ગ્યા. એ માંડ ઠિક થ્યુ ત્યા હવે ડબ્બા હાઈલા છે. કમોડિટી એક્ષચેંજ MCDX, NCDX. સાચે સાચુ કાઈ લેવાનુ નહિ, સોનુ, ચાંદિ, જસત, તાંબુ એની ઇંટરનેશનલ મારકિટ ના ભાવ પ્રમાણે તમારે ૧૦૦ કિલો, ૫૦૦ કિલો માલ કોમપ્યુટર ઉપર લેવાનો, ખાલી મારજીન મની ભરવાના, ને ૨૫ ૫૦ લાખ ના સૌદા ના ડિફરન્સ ઉપર રમવાનુ. જે દી મારકિટ ૧૦% કરતા વધારે ટુટે એટ્લે એક બે જણ છાપા મા ચમકે છે.

અધુરામા પુરુ ક્રિકેટ ના સટ્ટા તો સદાબહાર ચાલુ જ છે. પોલિસે ય હવે રેડ પાડી પાડી ને એવી થાઈકી છે, નરેન્દ્રભાઇ મોદી હવે કાયદેસર સટ્ટો રમાય એવી વ્યવસ્થા કરવાની વેતરણ મા છે.

બાકી ઘોડી પાસાનો જુગાર ઉપર તો પોલિસ રેડ ય નથી પાડ્તી. હવે તો હાઇપ્રોફાઇલ લોકો ગામ બારે આઘે આઘે હોઇ એવા ફાર્મ હાઉસ ઉપર જુગાર ના અડ્ડા જમાવે છે. કાઇ ચિંતા તો નહી! આમતો જુગાર કડવા પટેલ ની જાગીર કેવાય ( લોહિ મા ભાઇ, પત્તા રમતા નો આવડતુ હોઇ એવો મે એક ભાઈળો નથી) પણ છેલા એક દસકા થી તો બધીય કોમ મા આ લાગી ગ્યુ છે. એમાય ખાસ કરીને લેવા પટેલ મા તો જ્યારથી જમીનુ ના પૈસા આઇવા છે. આડે હાથ વરગી ગ્યા છે જુગાર મા. બાયુય બાકિ નહિ હો.

બીજુ તો આયા ધોની ને યુવરાજ ધોકાવે છે. તમેય ઇનટરનેટ્યા ટીવી ઉપર વરગી જાવ...

GJ-3CN 3069 Suzuki Access - ૨ પેટ્રોલ ને ૧ કેરોસીન

2009-10-25T03:06:00.000-07:00

પછેડી કરતા સોડ વધારે તાણી નાખે પછી શુ થાઈ, અમુક માણાહ તો ભિખુ કાસીરામ થઈ ગ્યા છે. પન તોયે હાઈકે રાખે છે. મારા હારા ગાડીયુ હાથી જેવી મોટી મોટી રાખે પણ પેટ્રોલ ના પૈસા ગામમા ગોતતો ફરે. આપણ ને ક્યે હાલો ધોરાજી બટેટા ખાવા, બે હી જાવ ગાડી મા ને જેવો ગામ બારે ગાડી કાઢે તરત આપણ ને ક્યે લે ત્યારે પાચક લિટર પેટ્રોલ નખાવી દે. બોલો આનુ શુ કરવૂ?

અમારા મગનભાઈ કેતા કે પેલા તો અમે પંખા વીનાની બાપા ની સાઇક્લ ફેરવતા. બાપા બપોરે સુતા હોઇ ત્યારે બે ત્રન ભેરુ ભેગા થય આખે આખી સાઇક્લ ઊપાડી ને આઘી લઈ જાઇ (બાપા ઊઠે ને જોઇ જાઇ તો ઢિંઢા ભાંગી નાખે) પછી બે જન પક્ડે ને એક ઊપર ચડે ને પછે બીજા મારે ધકો, પગ પુગે કે નહિ પણ જાવા દેતા ને બ્રેક મારે એટ્લે પડી જાવાનુ, એમ બધાય એક એક ચક્કર મારી ને પાછી એક્દુમ અવાજ નો થાય એમ પાછા સાઇક્લ જ્યા જેમ હોઇ એમ મુકી આવતા. ઈ મજા હતી તઈણ તઈણ સવારી મા બેહવાની. હવે ના બાપકમાઈ ના બાબુડીયા હોન્ડા ને સુઝુકિ હલાવે જાણે એનો બાપ મરે વાંહે પોલિસ નો પઈડો હોઇ.

રાજકોટ ની પ્રજા વાહન ના નંબર પાછળ ગાંડી છે. RTO (regional Transport Office, તમારુ DMV) મા નવી સિરિઝ ખુલે કે ભાઈડા નવા સારા નંબર લેવા લાઈન લગાવે. આને ગાંડી પાછીના કેવા કે શુ? જોઇતા નંબર માટે સરકારે કંટાળી ને ટેન્ડર શરુ કરી દીધા છે. તમારે જોતો હોઇ ઈ નંબર મળે, બસ ખનખનીઆ (money) તૈયાર રાખવાના. તમારા નંબર ઊપર તમારી તાકાત પ્રમાણે પૈસા ભરી દેવાના. ત્રણ દિ પછી ટેન્ડર ખુલે ને તમને તોજ નંબર મળે જો તમારી બોલી (bid) ઊંચી હોઇ.

બાકી તો બીજુ શુ કહુ...આ દિવાળિ ઊપર તો અરધુ રાજકોટ ગામ બારે વઈગ્યુ તુ. માણાહ આબુ, કેરાલા ને રાજસ્થાન ભાગી ગ્યા, જેવા મુલચન્દ (money). ક્યે છે આબુ મા તો એટ્લુ માણાહ ટુટી પઈડુ કૈ પોલિસે રાઈતના ૮ પછી તો ઊપર ગાડી જ જવા નોતા દેતા. અને ઊપર એટ્લો ટ્રાફિક કે ગામ મા ક્યાય રેવાની જઈગા નહી. ક્યે છે માણાહ આબુ ના રોડ ઊપર જ રાઈતે સુઇ ગ્યા ને ત્યાના રેવા વાળા મારા ગોતીડા ઘર ની છત પર સુવાના ૧૦૦૦ ૧૦૦૦ લેતા તા.

બોલો તોય રાજકોટ વાલા ઝીંકે રાખે છે... તમે ય ચાલુ રાખો..

હા જાતા પેલા સારા સમાચાર પણ સાંભળો. આજે રાજકોટ મા પુજ્ય સંત શ્રી જલારામ બાપા (અખંડ સદાવ્રત - વિરપુર --ભુખ્યા ને રોટ્લા નો ટુક્ડો તો મળે હરિ ઢુંક્ડો ) ની ૨૧૦ મી જન્મ જયંતી ધૂમ ધડાકા ભેર ઉજવાઇ. આવતીકાલે બપોરે ૧૧:૦૦ વાગે પરમ પૂજ્ય પ્રમુખસ્વામી મહારાજ રાજકોટ ના આંગણે પધારી રહ્યા છે.

સબરસ લઈ લ્યો ભાઇ સબરસ

2009-10-20T02:36:00.000-07:00

એ સૌને હેપ્પી દિવાળી ને ઝા ઝા કરીને નવા વરહ ના સાલ મુબારક ને ૨૦૬૬ નુ વરહ સૌને સારુ રયે એવી પરમ ક્રુપાળુ પરમાત્મા ને પ્રાથના.

સબરસ -આમા કેટલાક ને તો ટપા ય નહિ પડે. બેસતા વરહ ને દિ સવાર મા મીઠુ વેંચવા અગારિયા ઓ નિક્ળે સબરસ લ્યો સબરસ લ્યો .ક્યે છે શુકન નુ મીઠુ લ્યો તો આખુ વરહ શુકન રયે. આવખતે દેવાળી યે તો ભુકા કાઢી નાઇખા. ચાઇનીસ અને શિવાકાસી ના નવા ફેન્સી ફટાકડાઓ તો એટ્લા ફુટ્યા માથે જાણે દેવતા ઓ રંગ બેરંગી ફૂલ નો વરસાવતા હોઇ, એવી ઝાકમઝોળ હતી. એર પોલ્યુશન ને નોઇઝ પોલ્યુશન ની એક બે તઇણ કરી નાખે અને અમેરિકમા બેઠા ડોહા ને અસ્થમા ના એટેક લાવી દયે એટ્લો ધુમડો કઇરો.

છાપુ ક્યે છે તઇણ કરોડ ના ટેટા ફોડી નાઇખા. મારા દિકરા ઓ એ રાઇતના ૩ ૩ વાઇગા સુધી ઢિશુમ ઢિશુમ ચાલુ જ રાઇખુ. ને છોડીયુ કે અમે કેમ રઇ જાઇ. રંગોળી મા સારી હાથોટી હોઇ એવી દિકરિયુ ના તો બૂકિન્ગ થાતાતા. પેલા તો કાથીની દોરિયુ લાંબી કરી ને ત્રિકોણ ચોરસ જેવી રંગોળીયુ થાતી એના તો હવે જમાના ગ્યા. હવે તો પોસ્ટર પિક્ચર નો જમાનો છે. ફોટો દયો ને છોડીયુ ચાક થી છાપી મારે ને પછી પેરાવે ફેન્સી કલર ફૂલ ઘરેણા. અરે વાત જ જાવ દયો. આપણા રાજકોટ મા તો એક મુંબાઇ ના બેને વાંદ્રા વર્લી નવો પૂલ બઇનો છે ઈજ બનાવી નાઈખો રંગોલી ના નામે. ભારે અઘરા ઇ બેન તો બાકી.

બાકી તમે ન્યા હાથી સમાય એવા ઘરમા રેતા ભલે હો પન રાજકોટ ના ધન તેરસ ના સમાચાર આપુ તો ગાંડા નો થાઇ જાતા. દિવ્ય ભાસ્કર નુ કાલિચૌદસ ના પેપર નૂ ટાઇટલ હતુ " ધનતેરસ ના શુભ ચોઘડિયે રાજકોટ મા ૩૦ આબજ રૂપિયા (૬૦૦ મિલિઓન ડોલર્સ) ના જમીનો ના સૌદા". જાલી બેહો. બોલો છે તાકાત રાજકોટ ની સામે કોઇની. ને પાછા આટ્લો ધંધો કરે છતા દીવાળી પછી પાંચ દી બધુય બંધ, રિંગણા વઘારવા હોઇ તો આદુ મર્ચાનો મસાલોય નો મળે.છોડા કાઢી નાખે રાજકોટ વાળા...

હેય અમારે ય પાંચ દિ જલસા જ જલસા છે, સ્નેહ મિલન ને મંદિર અન્નકુટ ને સગા વાહલા ની ઘરે બેહવા જાઇ, ચેવડો પેંડા ઝાપટવાના ને, નવા પાણકોરા ના કપડા પેરવાના ને, હરવા ફરવા ના પ્રોગ્રામ બનાવવાના, મોજો મોજો જ છે..

લ્યો ત્યારે હવે નિસાંસા નાઇખા વીના કમાવવા મંડી પડો, ને ઝટ ઝ્ટ રુપિયા ભેગા કરીને દેસ ભેગા થવાના પરયાણ ચાલુ કરી દયો...

મામા નુ ઘર કેટ્લે દિવા બળે એટ્લે

2009-10-15T11:14:00.003-07:00

તમને એમ કે હુ ક્યા ખોવાઇ ગયો!. ભાઇ ક્યાય નથી ગયો. ઘરવારી યે તો ઊપાડો લીધો છે. આ વાસણ ઊતારો ને ઓલી આભેરાઇ સાફ કરો ને આ ગામ માથી લઈ આવો ને પેલો કચરો નાખીયા વો. નવરો નથી થાવા દેતી. પણ બાકી દિવાળી દેખાય છે હો કે. માણાહ ગાંડુ થયુ છે. રાઇત આખી ઢિચ્યાવ ઢિશુમ હાઇલે જ રાખે છે. મારા હારા ટેણિયા પણ રાઇતના બે બે વાઇગા સુધી ખેંચી ને પણ થાક્તા નથી. ઠિચુમ ઠિચુમ કરે જ રાખે.

રાજકોટ વાળા સૂધરી ગયા છે. ઘી ના દિવા ને કોરાને મૂકી ઈલેક્ટ્રિક સિરીઝુ (lightings) ના રવાડે ચડી ગયા છે. બંગલાઓ ભારે ઠાવકા દેખાય છે. ગામ મા અને રહેણાક વિસ્તારો મા લાલ, પીળી. લીલી, સફેદ લાઈટુ ના એવા ડેકોરેશન કઇરા છે આ વખતે, લાસ વેગાસ વાળા ને આંટો મારવા આવવુ પડે. અને સોના મા સૂગન્ધ ભળે એમ બીએપીએસ નુ સ્વામિનારાયણ મંદિર નુ ડેકોરેશન. ભુકા કાઢી નાખે. તાજમહાલ જાંખો પડે. કાલાવાડ રોડ પર થી જતા માણાહ ને બે મીનીટ ઊભો રહી જાવુ પડે એવુ સરસ.

બાકી લુગડા, સોની, મોબાઇલ ને ઈલેક્ટ્રિક ઠામણા (Microwave, Washing Machine, TV, Refrigerator ) ની મારકેટ મા તો ઊભા રેવાની જગા નથી. કેમ જાને એનો બાપ મરે કાઇલે માલ પતિ જવાનો હોઇ. છાપા ભરી ભરી ને દિવાળી ની એટ્લી ઓફરુ આવે છે કે મારા બેટા અકિલા મા તો સમાચાર ગોતવા પડે કે ક્યા લઇખા છે.

અમેરિકા ની મંદી યે હારા હારા ને ભલે બેવડા વાળી દિધા હોઇ, રાજકોટ મા કાયમી તેજી જ તેજી છે.

લ્યો ત્યારે કન્દોઇ (sweet shop) ને ન્યાથી મીઠાઈ લઇ ઘર ભેગો થાઉ..

યે સૌને ઝાઝી કરી ને એક્દમ તાજી શુભ દિવાળી ને સૌને નવુ વરહ ફળે ને લીલાલેર રયે એવી ઊપરવાળા ને અરજી

સુગર કોલેસ્ટોરલ ની ઍક બે ને ત્રણ

2009-10-08T19:21:00.000-07:00

અમારે રાજ઼કોટ ના માણસો ને ખાઉધરા નો કેવાય? ઢીંઢા ભાંગી નાખે. શોખીન કેવાય. જો તમને ખાવાની ખબર પડ્તી હોઈ અને ખાતા આવડતુ હોઈ અને ખાઈ શકો ઍવુ પેટ હોય તો મળો અમારા ભટ્ટભાઈ ને. રાજકોટ મા ક્યા કેવુ કેટલુ ક્યારે અને શુ મળે ઈ જાણવુ અને માણવુ હોઈ તો. ખાવાનુ નામ પડે અને ઍને ખબર નો પડે ઍમા માલ નહી. તો હાલો આંટો મરાવૂ. સૌથી પેલા તો સવાર મા શુ ખાવુ છે? વણેલા ગાંઠિયા . પાપડી સાથે લીલા તળેલા મરચા ને કાચા પોપૈયા ના સંભારા ની ઈચ્છા રાખતા હો તો આવી જાવ સરદારનગર મેઇન રોડ પર પટેલ ની દુકાને, ઍના ગાંઠિયા ઍવા દાઢે વરગે કે અમૂક ને તો દાતણ પછી ને પેલા ગાંઠિયા જોય તયે બાથરૂમ આવે. જો તમે હાઇ ફાઇ માણહ હો તો લગાઓ હોટલ ઇંપીરીયલ પૅલેસ નો ઉપમા. લુખે લુખો ૨૫૦ હાઈલો જાઇ. હા તમારે હેલ્થ બેલ્થ ની કાઇ માથાકુટ નો હાય તો રાજકોટ મા સસ્તુ ને સ્વાદિસ્ઠ ગરમા ગરમ પુરી અને બટેટા નુ શાક લગભગ બધે મળે. બાકી જો તમને ડૉક્ટર આભડી ગ્યો હોઈ ને સુગર કે કોલેસ્ટોરલ બતાવી દીધુ હોઈ તો વયા જાવ રેસ કોર્સ ન્યા બધુય હેલ્થી મળે જેમકે, તાજા જ્યુસ, ફણગાવેલા કઠોળ, નિરો,કડવુ કડિયાતુ અન બીજુ બધુય. બાકીઍસ્ટ્રોન સિનેમા સામે ભૂરા ના ગરમા ગરમા થેપલા ને કડક મીઠી ચા ઈ ની વાત જવા દ્યો. વળી પાછી કઈક ખાટા મીઠા ની ઈચ્છા હોઈ તો યૂનિવર્સિટી રોડ પર આવી જાવ, આયા મળશે ગરમા ગરમ ખાટા ઢોકળા.

ધરાઈ ગ્યા? આતો હજુ થોડુક છે, બાકી માવડી ચોકડી ના પૌવા બટેટા, જાગનાથ જૈન દેરાસર ના ખાખરા, શિયાળા મા હલવાસન, પ્રખ્યાત પોરબંદર ની ખાજલી, ઍટ્સેટરા ઍટ્સેટરા....

બાકી ઘરે તો કા ઘઉ ના મોટા તાજા માખણ નાખેલા રોટલા, કે ભાખરી, તાજુ ઠંડુ દહી, ગોળ, અને હા,ચંદન કટોરી (નાગરો આવુ સરસ નામ સાંજ ની જૂની રોટલી ની સવારે વઘારે ઍને આપે), ને સી. સોમભાઈ ની ૩૪ નંબર ની બનેલી કડક મીઠીચહા.

બોલો કાઇ બાકી રહી ગ્યુ?

આતો થઈ સવાર ની વાત. બપોરે ની વાત હવે ટાઢા પોરે...

આ રાજકોટ છે કે ન્યૂયોર્ક નુ મેનહેટન ?

2009-10-06T05:48:00.000-07:00

કેટલુ હોઇ પણ ! મારૂ હારુ ભાઇરે મોંઘુ થઈ ગ્યુ છે. ગમે ઈ બાજુ ૧૦ કિલોમીટર હાઈલા જાવ, રાજકોટ મા ૧૦ પેટી (lakh, Rs. 10,00,000, USD $20000) મા ઍક રૂમ રસોડૂ ય નો આવે. ઈ વાત કરુ છુ ૭૦-૮૦ વાર પ્લોટ અને ૧૦૦૦ ફુટ બાંધકામ ની. માણા રેવા ક્યા જાઇ? ક્યેછે સુરત અને ઍન આર આઈ પૈસો છેલ્લી તેજી માબહુ આઇવો ઍમા આ બધુ ફાટી પઈડૂ છે. અમદાવાદ તો ક્યાય સસ્તુ. જમીન ના સટ્ટા કરી કરી ને માલપાણી થયેલા રાજકોટ મા બે નંબરીયા મિલિયોનર કેટલા આંટા મારે ખબર જ નો પડે. દુકાને બેઠો બેઠો ખમણ ના પડિકા વારતો હાય મારો ગોતિડો ૧૫-૨૫ કરોડ નો આસામી હોઈ ઇનકમ ટૅક્સ ના બાપ નેય ખબર નો પડે. સ્કૂટર ઠળઠળયુ રાઇખૂ હોઈ ને કપડા ઍવા પેરે કે જાણે વાણોત્તર નો હોઈ! ઈતો સાંજે નાહી ધોઈ, ઔડી (its Audi car, In Rajkot you can easily spot BMW, Merc, Toyota, Honda) કાઢી ને ઈમ્પીરીઅમ (અમારા જે. લાલ ઉર્ફે જયંતિભાઈ પટેલ, ઇમ્પિરિઅલ પૅલેસ હોટેલ ને ઈ જ નામે બોલાવે) (Its 3 star hotel but has 5 star food quality) મા જમવા આવે તયે ખબર પડે કે કેટલા મુલચંદ(Money) છે આ જણ પાહે.

બાકી હાઈલે રાખે છે તમે ઝીંકે રાખો....

માયગા મેહ નો વરસે. પણ રાજકોટ ની તો વાત જ જૂદી

2009-10-04T23:26:00.000-07:00

હજુ સવારે ભૂકા કાઢી નાખે ઍવી ગરમી હતી ત્યાતો સાંજે હાથીયો (Its nakshatra appears during AAso month,and it has been said, Rain may come spordicaly and can be heavy with lots of wind) ક્યાથી આઇવો, લીલા નાળિયેર ના છોતરા કાઢી નાખે ઍવો વીંટ વંટોળિયો ચાલુ થયો અને પછી થય વાછટૂ ચાલુ ,વાત જ્ જવા દ્યો. થોડી વાર મા તો કેટલાય ના છાપરા ઉડાડી નાઈખા.કેટલાય જાડવા નો સોથ વાળી નાઈખો. છાપુ ૧૧ મારી ગ્યા ઍમ ક્યે છે. પણ ૩૯ ડિગ્રી માથી ૨૭ બે કલાક મા કરી નાઈખી. અમારા ભટ્ટભાઈ ઍક જગ્યા યે લગન મા ગ્યા તા ને જાન પોખણુ હાલતુ તૂ, તે પવને જે કરી છે, વરરાજા નુ મોળયુ ક્યાય નાખી દીધુ. ને પોખવા વારા ઘર મા ગરી ગ્યા. ને જાનૈયા થઈ ગ્યા આઘાપાછા . ઑલો મારો ગોતિડો વરરાજો ઍકલો ઉભો ઉભો પલળે.

બોલો આમા શુ કરવુ? સારુ થયુ આપણા રાષ્ટ્રપતિ પ્રતિભાબેન સમયસર દિલ્લી ભેગા થઈ ગયા નહીતો ઍમને પણ રાજકોટ નો લાભ મળી જાત. હા ઈ કેતા તો ભૂલી ગ્યો, આપણા રાષ્ટ્રપતિ પ્રતિભાબેન પાટિલ ત્રણ દી ની સૌરાષ્ટ્ર ની મુલાકાતે આવેલા, સાસન ગીર મા સિંહ જોયા, સોમનાથ દર્શન કીધા, અને રાજકારણીઓ ઍ બાજરા ના રોટલા, ઓળો ને ઍવા દેસી ભોજનિયા પણ ખવડાઈવા. છાપુ ક્યેછે બાહુ ભાઈવા માડી ને.

બસ હાલે રાખે છે બાકી, પોપટ ભૂઈખોઇ નથી ને તરસ્યો ય નથી..

There is no Free Lunch. પણ રાજકોટ માટે ખોટુ પડે

2009-10-03T03:01:00.000-07:00

આમ તો કાઠીયાવાડ મા બે ચાર કિલોમીટર ગમે તે મારગ હાલો, કા એકાદ બાપુ ની દેરી હોઇ અને કાતો હોઇ નાનુ મોટુ મંદિર, સદાવ્રત નો રોટ્લો અને ઓટ્લો તો મળે જ મળે. અને બાકી કાઇ નો હોઇ તો ગમે એ ખેતર- વાડી મા વયા જાવ, પટેલ ખેડુત તમને હેય તારે ટાઢુ ટાઢુ પાની પાઇસે અને રોટ્લા નુ પણ પુછ્શે. અને જો હા પાડો તો પોતાના ભાતમાંથી રોટ્લા ને છાસ ને જે કાઇ હોઇ એ તમને આપતા વિચારશે નહિ. આવી છે આપણી ભોમકા.

અને આવી પ્રથા રાજકોટ મા પણ જોવા મળે. રાજકોટ મા દાનવીરો ચલાવે છે, હરતુ ફરતુ અન્નક્ષેત્ર, બોલબાલા ટ્રસ્ટ. મારા વાલીડા માણસો ને ગોતવા નીકળે, કે ભાઇ કોઇ ભુયખૂ નથી ને, ગોતી ગોતી ને જમાડે. આખા રાજકોટ મા એ ની રિક્ષાઓ સવાર સાંજ હાલતી જ હોઇ. છેને બાકી ભાયડા? સાંભાળ્યુ છે ક્યાઇ?

આવુજ કાઇક ઈસ્કોન વાલા ચલાવે છે. હાલો બપોરે અને સાંજે તો કોઇક તમારો હાથ ઝાલે, પણ સવાર નુ શું?, તો આવી જાવ વેલી સવારે કિસાનપરા ચોક મા, ઈસ્કોન વાલા તમને ગરમાગરમ પુરી અને શાક ખવરાવે. બિલકુલ મફત. કેવુ છે કાઇ?

બાકી જો તમે Health Consious હો ને સવારે Race course દોડવા આવવુ હોઇ, તો વ્હેલિ સવાર મા આયા આયુર્વેદિક ઓસડિયા થી ભરપુર કડ્વા કડિયાતા ના Stall વાળા મફત પ્યાલો પાવા ઉભા જ હોઇ. અને સાથે સાથે આપે એક સદવિચાર નિ કાપલી.

બોલો બીજે કયાય મળે આવુ? આના માટે તો રાજકોટ જ આવુ પડે.તો કરો કંકુ ના અને કઢાવો ટિકસુ રાજકોટ ની...

ડિસા મા બટેટા બફાઇ ગ્યા

2009-10-02T03:22:00.000-07:00

શુ વાત કરવી. આતો આસો મહિનો છે કે ચૈત્ર- વૈષાખ. છેલા બે દિ મા તો ગાભા કાઢી નાઇખા. વગર ચુલે ચોખા ચડી જાય. ડિસા મહેસણા મા તો ૪૪ ડિગ્રિ (Disa is famous for is Potato Production). અને રાજકોટ મા ૩૯. કેટલી વાર નાવુ? પરસેવે રેબઝેબ ભાઇ. દર વરસે ભડલી નો વરતારો (its traditional folkfore knowledge to see how weather would be in few weeks during this days)જોવા વારા આ વખતે ગોઇતા મલતા નથી. બાકી કાલે તો વિજળિ ના કડાકા ભડાકા અમરેલી બાજુ થાતા હતા.

એમાય પાછુ હજુ Swine Flu મા એકાદ બે ઉકલી ગયા છે. ત્યા તો અધૂરામા પૂરુ ડેન્ગ્યુ (Dengu is kind of Fever, can kill the patient) યે પાછો ઉપાડો લીધો છે અમારા મિત્ર ડો. હાપલિયા ની લેબ મા એક દિ મા ૮ કેસ Positive આઇવા. બોલો આનુ કેમ કરવુ,?

પણ છતા હાઇલે રાખે છે. તમે પણ ઝીંકે રાખો

આયવા માના નોરતા

2009-09-28T06:22:00.000-07:00

તમારે કેમ છે. બાકી રાજકોટ તો જલસા જ કરે છે. આ નવરાત્રિ યે તો ભાઇ ભાઇ રંગ રાખી દીધો. કીરન પટેલ ની ગેલેક્ષી ગરબી મંડલ તો ભાઇ જબરૂ હો કે. એક જ સ્ટેજ પર ચાર ચાર ચકરડા મા નાની નાની દીકરીયુ કાઇ રાસ લ્યે? કેવુ પડે. ડ્રેસ નુ colour combination ની તો વાત જવા દયો. એવા અદભુત.અને એક એક Steps અને Body Movement જાને મા જગદંબા ખુદ આવી ને રમતી હોઇ. એમાય પછા ગ્રૂપ ના નામ પણ કેવા? રાધે, કિશ્ના, ગુરૂ, માહી. અને છોકરા ઓ નુ કેતુ ગ્રૂપ જ્યારે શીવાજી નૂ હાલરડુ રજૂ કરે , વાત જ જાવા દયો. કડિયુ ચોરણી ને કેડે બાંધેલ લાલ ફાટ નો રૂમાલ. માથે લાલ રૂમાલ નો કટકો. એક હાથ મા શમશેર ભવાની તલવાર ને બીજા હાથ મા કાળી ઢાલ. અને રાસ ચાલુ થાઇ, પેલા તો ધીમે ધીમે હાલતા અને તલવારૂ ને ઢાલ ખખડાવતા ચાલુ કરે ને બીજી કડી ગવાય ત્યા તો હવામા ત્રણ ત્રણ ફૂટ ઉડે. અને પછી ધીંગાનૂ જામે. ટેંટા જેવો હોઇ એવો માણસ પણ ખુરસી મા સડાક થૈઇ હાકલા પડ્કારા કરવા માંડે. પાકિસ્તાન હારે લડવા જાવૂ હોઇ તો વાંધો નો આવે. અને છેલ્લે થાઇ તલવાર બાજી, છોકરા ઓ શુ તલવાર ફેરવે?, જો કોઇ એના ફેર મા આવે તો એક ઘા ને ત્રૈણ કટકા થઈ જાઇ એમા બે મત નહી. મારા વાલીડા બે બે ફૂટિયા છોકરા પન ઉડી ઉડી ને તલવાર ના ઘા કરે. આ તો લખાય એવુ નથી , હાજરા હજૂર જોવુ પડે. આવતા વરહ નો પ્રોગ્રામ બનાવી જ નાખો.Extra મા તો લોહી પીણા ઘોંઘાટિયા ડિસ્કો ડાંડયા વાળા તો ખરા જ. બાકી તો તમે અકિલા વાંચતા જ હશો.

તયે હાલો ત્યારે

જયાં દી મા ૪ વાર ખવાય, ૩ વાર નહાવાય, ૨ વાર સુવાય એને મારૂ રાજકોટ કહેવાય

2009-09-15T03:50:00.000-07:00

If you are not from Rajkot you will wonder what the hell above post title talking about

let me elaborate ...

૪ વાર ખવાય

હેય તારે વહેલી સવારમા રાજકોટ ના આખા મરી નાખેલ ગરમા ગરમ વણેલા ગાઠિયા સાથે કાચા પોપૈયા નો સમ્ભારો હોઇ ને હેય તારે લીલા મજાના તિખા તિખા મર્ચા હોઇ ,
અને બપોરે ગરમા ગરમ ઘઊના (wheat) ના મોટા મોટા રોટલા હોઇ ને હારે હોઇ રીંગણા બટાટા નુ ભરેલુ શાક, ને કોબીચ નો સંભારો, ને તાજે તાજા મુળા, કાકડી (cucumber), અને તાજુ બનાવેલુ ગોંડલ ના ઘોલર મરચાનૂ અથાણુ, અને છેલે મઘમઘતા સોડમદાર બાસમતિ ભાત (Ride) ને સાથે હોઇ જબરદસ્ત કોકમ ને લીંબુ નાખી ને વઘારેલી તુવેલ ની દાલ હોઇ ને એની માથે કાઠિયાવાડી બરફ જેવી ઠંડી છાસ હોઇ ( ભાઇ ભાઇ ભુકા બોલાવી દય્યે હો કે))
અને ચાર વાગે પાછા હેય તારે ફનગાવેલા (sprouted) મઠ (Kind if Lentil) ને લીલા મરચા ને થોડુક લિમ્બુ નાખીને બનવેલા હોઇ , સાથે હોઇ ગરમા ગરમ રાજકોટ ની કડક મીઠી ચા (tea)
ને પાછુ સાંજે હેય તારે ઘી હાલતુ થાય એવી ગરમા ગરમ કાઠીયાવાડી ખીચડી ને જાર કે બાજરના જાડા જાડા લુખા ખવાઇ જાઇ એવા ચુલે ચડેલ રોટલા હોઇ, ને રાજકોટ ઇસ્પેશીશ્યલ તાજે તાજી પાડેલ સેવ સાથે ટમેટા નુ શાક હોઇ, ને ભઠ્ઠે સેકેલ મીઠા મીઠા કૂના કૂના રીંગણા અને જાજુ આદુ ને મરચા નાખીને ને વઘારેલ રીંગણાનો (EggPlant) ઓળો હોઇ અને સાથે ટાઢી ટાઢી છાસ (butter milk)
આમતો રાજકોટ વાલા પાંચ વાર જમે પણ , રાત્રે દસ વાગે Racecource Ringroad પર જાઇને પટેલ નો ૨૫૦ ગ્રામ ફ્રેશ સીજનલ સિતાફલ નો Ice Cream ખાઇ જાઇ એને ભોજન ગણાવુ તો તો રાજકોટ મા મને ધીબી નાખે, મોટા.

૩ વાર નહાય

એલા પન ત્રન વાર કેમ?
એમા મોટા એવુ છે ને કે સવારે Racecourse રખડવા જાઇ , ન્યા થોડાક ખેલ કરે, માનસ થાકી જાઇ કે નહી. નાવુ તો પડે ને એટલે ઇ સવાર મા એક્વાર થયુ. પાછુ બપોરે દુકાન ધંધા બંધ કરીને ઘરે આવે, એટલે રાજકોટ ની ૪૦ દેગ્રી મા જણ પરસેવે રેબઝેબ થઈ ગયો હોઇ નાવુ પડે ને પાછુ, તો જ બપોરે સરખી બે ત્રણ કલાક ખેંચી (afternoon nap) શકાય ને. ઇ બીજીવાર થયુ. અને મોડી સાંજે પાછા Racecourse ઉપર સીન સપાટા કરવા હોઇ તો Fresh થાવુ પડે ને એટલે નાવુ પડે ત્રીજી વાર. કેમ બરોબર ને?

આખા રાજકોટ ના માણાહ ને એક સાથે જોવા હોઇ તો તમારે Morning ૪ (A.M) વાગે ઉઠવુ પડે. રાજકોટ મા જાણે તાજો (Fresh) Oxygen ખાલી Ring Road પર કેમ મલતો હોઇ એમ માણાહ ટુટી પડે. કીડી (Ant) ને traffic સિગ્નલ પર ઉભુ રેવુ પડે એટલો Traffic હોઇ, છેલ્લા કેટલા વરસો થી તો સવારે પોલિસ ને અંદર નો Two Lane Road Public Walking માટે બંધ કરવો પડે છે. દાંત કાઢવાવાલા (Laughing Club) , ફેફ્સા ફાડવાવાલા (Baba Ramdev), સીન સપાટાવાલા (ગામમા કહેવા થાય એટલે) , મફત કડવા કડિયાતા ના સ્ટોલવાલા, તાજા ફણગાવેલ કઠોળ (Lentils) વેંચવાવાલા, તાજા મોસંબી (Orange), સફરજન (Apple), અનાનસ (Pineple) નો જ્યુસ વેંચવાવાલા નો તો ટુટો નહિ. હા નિરો (Its kind of fresh coconut juice) નુ કેન્દ્ર તો ખરુજ. અને સાથે ભજિયા ગાંઠિયા, બિજા નાસ્તા વાલા તો હોઇ જ. ૧૫ થી ૮૫ સૂધીના બધાય હેય તમારે Racecourse ની ફરતીકોર હડિયું કાઢતા હોઇ,સવાર મા ઇ જોવાનો મજોજ જુદો છે. શેર લોહી ચઢી જાઇ ,ભાઇ ,ભાઇ.

૨ વાર સૂવાય

કેટલાક ને આંચકો આવે તો ભલે આવે પણ રાજકોટ મા માણાહ બપોરે હેય તારે બપોરા (લુન્ચ) કરી ને જ્યા મલે ન્યા સોડ તાની જાય. સુઇ જાય. તડકા બહુ પડે ને ભાઇ સૂ કરે. કોક નૂ લોહી પી ને ખુંવાર મરવા કરતા શાન્તિથી સુઇ નો જાઇ. પટેલ ના ભાભા લીલો લિમડો ગોતીને નીચે હેય તારે જુના વાન ન ખાટલા મા લાંબા થાય ને બે ત્રન કલાક ખેંચી લ્યે તો મજૂર માણાહ હોઇ એ રેક્ડા નીચે લંબાવી દયે, ને શેઠિયા માણાહ AC ચાલુ કરીને ઘોલકીયા કરિ જાઇ ભાઇ. જો ભુલે ચુકે બહારગામનો માણાહ બપોરે રાજકોટ પહોંચે તો એને કોઇ નો સાચવે, એ તો સન્ધુય બંધ ભાળે. રાજકોટ બપોરે ૧ થી ૪ તો સૂઇ જાઇ જાને ભેંકાર રાત નો પડી હોઇ. કાગડો કે ચક્લુય નો ફરકે
અને રાત્રે પટેલ નો ૨૫૦ ગ્રામ Ice Cream નાખીને મોડે મોડે ૧૨ કે ૧ વગે સૂવા જાઇ. જુવાનીયા તો મારા બેટા ૨ , ૩ વાયગા સુધિ Race Course road પર ટળવળતા હોઇ ને પોલિસ કાઢે તયે ઘર ભેગા થાઇ. આવુ છે ભાઇ

બાકી તો બીજુ શુ કેવુ, રાજકોટ ની કડક મીઠી ચા (tea) તો તમારે આખો દી હાઇલે રાખે

બોલો કેવુ છે કાઇ રાજકોટ માટે? મારો comment...